قازاقستان ازىرشە وليمپياداعا 80 ليتسەنزيا الىپ وتىر

Олимпиада Париж
Фото: olympics.com

استانا. قازاقپارات - ەلىمىزدىڭ سپورتشىلارى جازعى وليمپيالىق ويىندارعا سپورتتىڭ 70 تۇرىنەن 80 ليتسەنزيانى جەڭىپ الىپ وتىر. سونىڭ ىشىندە 45 سپورتشى العاش رەت وليمپياداعا قاتىسادى.

ازىرشە وليمپياداعا سوڭعى رەت ماجارستاننىڭ بۋداپەشت قالاسىندا برەيكينگ، سپورتتىق قۇزعا ورمەلەۋ، سكەيتبوردينگ پەن BMX- فريستايلدان وتكەن ليتسەنزيالىق ءتۋرنيردىڭ ەكىنشى سەرياسىندا ءامىر زاكىروۆ پەن ءامىر مايمۇراتوۆ جولدامانى جەڭىپ الدى.

برەيكينگتەن ەل نامىسىن قورعاعان ءامىر زاكىروۆ فينالدا نيدەرلاند وكىلى لي ۆينسكە ەسە جىبەرىپ (2:1)، كۇمىس مەدال السا دا وليمپيادانىڭ جولداماسىنا يە بولدى. سول سياقتى سپورتتىق قۇزعا ورمەلەۋدەن «جىلدامدىق» ساناتىندا ونەر كورسەتكەن ءامىر مايمۇراتوۆ فينالدا قىتايلىق قارسىلاسىنان (4.90 سەكۋند) ارتتا قالىپ، ەكىنشى ورىنمەن قاتار، وليمپيادانىڭ ليسەنزياسىن يەلەندى.

جالپى، بيىل ەلىمىز جازعى وليمپياداعا تاۋەلسىزدىك العان كەزدەن بەرگى ۋاقىتتا ساناعاندا، سەگىزىنشى رەت قاتىسقالىپ وتىر. ەۋروپا قۇرلىعىندا ءۇشىنشى رەت باق سىنايدى. بۇعان دەيىن 2004-جىلى گرەكيانىڭ افينا قالاسى مەن 2012-جىلى ۇلىبريتانيانىڭ لوندون قالاسىندا جالاۋى كوتەرىلگەن ويىندارعا قاتىسقان بولاتىن.

بيىلعى وليمپيادادا 10 بوكسشىمىز شارشى الاڭعا شىعادى.

وليمپياداعا باراتىنداردىڭ اراسىنداعى ەڭ تاجىريبەلى سپورتشى - 31 جاستاعى ۆلاديسلاۆ ياكوۆليەۆ (اكادەميالىق ەسكەك ەسۋ). بۇل سپورتشى ويىندارعا 2012-جىلعى لوندون وليمپياداسىنان بەرى تۇراقتى تۇردە قاتىسىپ كەلەدى.

پاريج وليمپياداسىنداعى ەڭ جاس سپورتشى - 17 جاستاعى باتىرحان تولەۋعالي (تاەكۆوندو)، ەڭ ەگدە سپورتشى - 37 جاستاعى ەلمير ءالىمجانوۆ (سەمسەرلەسۋ).

سوڭعى جاڭالىقتار