قازاقستان ازاماتتىعىنان باس تارتاتىندار سانىنىڭ ارتۋى نەنى بىلدىرەدى
استانا. KAZINFORM - قازاقستان رەسپۋبليكاسى پرەزيدەنتى جانىنداعى ازاماتتىق ماسەلەلەر جونىندەگى كوميسسيانىڭ وتىرىسى ءوتتى. وعان مەملەكەتتىك كەڭەسشى ەرلان قارين ءتوراعالىق ەتتى، دەپ حابارلايدى اقوردانىڭ باسپا ءسوز قىزمەتى.
جيىندا قازاقستان ازاماتتىعىنا قابىلداۋ جانە ودان شىعارۋ ماسەلەلەرى قارالدى.
باسقوسۋدا ەرلان قارين سوڭعى 5 جىلدا ەلىمىزدىڭ ازاماتتىعىنان باس تارتقان ادامداردىڭ سانى ازايىپ كەلە جاتقانىن جانە بۇل ءۇردىس قازاقستان ازاماتتىعى ينستيتۋتىنىڭ بەدەلى ارتا تۇسكەنىن ايعاقتايتىنىن اتاپ ءوتتى.
مىسالى، 2019-جىلى 1,7 مىڭ ادام ازاماتتىقتان باس تارتسا، 2020-جىلى – 944، 2021-جىلى – 123، 2022-جىلى – 114، 2023-جىلى – 107، ال 2024-جىلدىڭ 10 ايىندا 30 ادام ازاماتتىقتان شىققان.
وسىعان دەيىن قازاقستان ازاماتتىعىن الاتىندار قازاق ءتىلىن بىلۋگە مىندەتتى بولاتىنى تۋرالى جازعان ەدىك.
