قازاقستان ازاماتتارىنىڭ جەكە دەرەكتەرىن زاڭسىز الماق بولعان ادامعا سوت ۇكىمى شىقتى
استانا. KAZINFORM - ۇلتتىق قاۋىپسىزدىك كوميتەتىنىڭ باسپا ءسوز قىزمەتى قازاقستان ازاماتتارىنىڭ جەكە دەرەكتەرىن زاڭسىز الماق بولعان اقتاۋ تۇرعىنىنا قاتىستى سوت ۇكىمى زاڭدى كۇشىنە ەنگەنىن حابارلادى.
«قىلمىستىق كودەكستىڭ 147-بابى 3,4-بولىكتەرى، 205-بابى 2-بولىگى جانە 208-بابى 2-بولىگى 1-تارماعىمەن قاراستىرىلعان قىلمىستىق قۇقىقبۇزۋشىلىقتى جاساۋدا كىنالى دەپ تانىلعان قازاقستان ازاماتىنا قاتىستى اقتاۋ قالاسى سوتىنىڭ ۇكىمى زاڭدى كۇشىنە ەندى. ول 3 جىلعا باس بوستاندىعىنان ايىرۋ جازاسىنا كەسىلدى. سوتتالعان ەلدىڭ اقپاراتتىق-كوممۋنيكاتسيالىق ينفراقۇرىلىمىنىڭ ماڭىزدى نىساندارى بولىپ تابىلاتىن مەملەكەتتىك اقپارات جۇيەلەرىنە زاڭسىز قول جەتكىزۋدى جۇزەگە اسىرعانى تەرگەۋمەن انىقتالدى»، - دەلىنگەن حابارلامادا.
فيگۋرانتتىڭ اقشالاي سىياقىعا ودان ءارى ءۇشىنشى ادامدارعا بەرۋ ءۇشىن ق ر ازاماتتارىنىڭ جەكە دەرەكتەرىن زاڭسىز الۋ فاكتىسى تولىق دالەلدەندى.
