قازاقستان ازاماتتارىنا قانداي قارۋلاردى يەلەنۋگە رۇقسات ەتىلەدى

استانا. KAZINFORM - پوليسيا قارۋدى تىركەۋ، ساقتاۋ جانە تاسىمالداۋ ەرەجەلەرىن ءتۇسىندىردى.

қурол-яроғ
Фото: Kazinform/Виктор Федюнин

دەرەككە قاراعاندا، قازاقستان ازاماتتارىنا اڭشىلىق، سپورتتىق جانە ءوزىن- ءوزى قورعاۋ ماقساتىندا قارۋ يەلەنۋگە رۇقسات ەتىلەدى.

- قارۋدى ساتىپ الۋ ءۇشىن www.elicense.kz پورتالى ارقىلى پوليسيادان ارنايى رۇقسات الۋ قاجەت. ساتىپ الىنعان قارۋ ءبىر اپتا ىشىندە تۇرعىلىقتى جەردەگى پوليسيادا تىركەلۋى ءتيىس. ءار 5 جىل سايىن رۇقساتتى جاڭارتۋ قاجەت، - دەپ ءتۇسىندىردى ءى ءى م باسپا ءسوز قىزمەتىنەن.

ساقتاۋ تالاپتارى:

قارۋ قالىڭدىعى كەمىندە 3 م م بولاتىن مەتالل سەيفتە نەمەسە بەرىك تەمىر جاشىكتە ساقتالۋى ءتيىس؛
قارۋ وق- دارىدەن بولەك ساقتالادى؛
قاۋىپسىزدىك تالاپتارى ساقتالىپ، قالالىق ەلدى مەكەندەردە دابىل جۇيەسى ورناتىلۋى كەرەك؛
كامەلەتكە تولماعانداردىڭ قارۋعا قولى جەتپەۋى ءتيىس.
- قارۋدى ءتيىستى رۇقساتپەن عانا تاسىمالداۋعا بولادى. قوعامدىق ورىنداردا قارۋ وقتالماعان، قاپتاۋلى كۇيدە بولۋى ءتيىس.

ەرەجەلەردى بۇزۋ قارۋدى تاركىلەۋگە، اكىمشىلىك نەمەسە قىلمىستىق جاۋاپكەرشىلىككە اكەلەتىنىن بىلگەنىڭىز ابزال، - دەلىنگەن جازبادا.

ايتا كەتەيىك، الماتى وبلىسىندا زاڭسىز قارۋ مەن ءىرى كولەمدە ەسىرتكى تاركىلەندى.

سوڭعى جاڭالىقتار