13:57, 22 - ماۋسىم 2024 | GMT +5
قازاقستان ازاماتتارى كورەيادا جۇمىس ىستەي الادى: مينيسترلىك ارنايى قۇجات ازىرلەدى
استانا. KAZINFORM – ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازاقستاندىقتار كورەيا رەسپۋبليكاسىندا زاڭدى تۇردە جۇمىس ىستەۋ ءۇشىن ارنايى قۇجاتتى ازىرلەگەنىن ايتتى.

مينيستر بۇگىندە قۇجاتتى وڭتۇستىك كورەيالىق تاراپ قاراستىرىپ جاتقاتىن جەتكىزدى.
«مينيسترلىك جوبانى ازىرلەدى. وسىلايشا، ول مەملەكەتتىك ورگاندارمەن كەلىسىلىپ، سىرتقى ىستەر مينيسترلىگى ارقىلى وڭتۇستىك كورەيالىق تاراپقا كەلىسۋ ءۇشىن جىبەرىلدى. قازىر مەموراندۋم وڭتۇستىك كورەيانىڭ ادىلەت مينيسترلىگىندە قارالىپ جاتىر. جوبانى وڭتۇستىك كورەيا تاراپى ماقۇلداعاننان كەيىن ونى ودان ءارى ىلگەرىلەتىپ، جالعاستىرامىز»، - دەدى سۆەتلانا جاكۋپوۆا پارلامەنت پالاتالارىنىڭ بىرلەسكەن وتىرىسىنىڭ الدىندا ب ا ق وكىلدەرىنە.