قازاقستان ازاماتتارى ا ق ش-تان ەمىن-ەركىن شىعا الادى - س ءى م
استانا. KAZINFORM - ق ر سىرتقى ىستەر ءمينيسترىنىڭ ورىنباسارى الىبەك باقايەۆ ا ق ش-تان قازاقستان ازاماتتارىنىڭ دەپورتاتسيالانۋى تۋرالى اقپاراتقا تۇسىنىك بەردى.

اتاپ ايتقاندا، بىلتىر ا ق ش-تا دەپورتاتسياعا جاتاتىن ميگرانتتاردىڭ اراسىندا 369 قازاقستاندىق تۋرالى اقپارات تاراعان.
- بۇعان دەيىن سىرتقى ىستەر مينيسترلىگى اقش- تا زاڭسىز جۇرگەن قازاقستان ازاماتتارى وسى ەلدە زاڭسىز جۇرگەندەرىن مالىمدەپ، ا ق ش-تان ەمىن-ەركىن شىعا الاتىنىن ەسكەرتتى. ونىڭ سالدارى بولاتىنىن تۇسىندىرگەن ەدىك، - دەدى ءا. باقايەۆ سەناتتا تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ەگەر ءماجبۇرلى دەپورتاتسيا بولسا، وندا بۇل ادامدارعا بولاشاقتا ا ق ش-قا ساپارلاۋعا قيىنعا تۇسەدى.
- ازىرگە، باسقا قانداي شارالار قولدانىلاتىنىن بىلمەيمىن، ياعني وسىنىڭ ءبارى ا ق ش-تىڭ مەملەكەتتىك ساياساتى اياسىندا ىسكە اسىرىلادى. جالپى، شەتەلدەن ءوز ەركىمەن كەتۋگە ۇنەمى رۇقسات بەرىلگەن جانە سولاي بولىپ قالا بەرەدى. بۇل مۇمكىندىك قازاقستان ازاماتتارى ءۇشىن بار. وسى مۇمكىندىكتى پايدالانبايتىندار ءۇشىن ماجبۇرلەپ دەپورتاتسيالاۋ تەتىگى قولدانىلاۋى ىقتيمال، - دەپ ءتۇسىندىردى الىبەك باقايەۆ.
ايتا كەتەيىك، بۇعان دەيىن ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ دەپورتاتسياعا جاتاتىن ميگرانتتاردىڭ اراسىندا 369 قازاقستاندىققا قاتىستى تۇسىنىك بەردى.
- وسى اقپاراتتى تەكسەرىپ قاراساق، Fox News بۇل جاڭالىقتى 2024 -جىلعى 11-جەلتوقساندا جاريالاعان. سوندىقتان ول اقپارات ا ق ش-تىڭ كوشى-قون بويىنشا جاڭا ساياساتىنا ەش قاتىسى جوق، - دەپ جازدى ول.
ەسكە سالساق، جاقىندا مينيسترلىك قازاقستان ازاماتتارىن ا ق ش-تان شىعارىپ جىبەرۋ تۋرالى اقپارات تۇسپەگەنىن حابارلادى.
تاياۋدا ا ق ش-تاعى ميگراتسيالىق ساياساتتىڭ قاتاڭداتىلۋىنا بايلانىستى قازاقستان ەلشىلىگى شەتەلدە قۇجاتسىز، ۆيزاسىز جۇرگەن قازاقستاندىقتارعا ەسكەرتۋ جاسادى.