قازاقستان ايماقتارىندا قۇس ەتىنىڭ باعاسى قانشا؟
استانا. KAZINFORM - جىل ىشىندە ەت جانە ەت ونىمدەرىنىڭ باعاسى %3,6 كوتەرىلدى. الايدا قازاقستاندىقتار ودان باس تارتقان ەمەس. سونىڭ ىشىندە تاۋىق ەتى سۇرانىسقا يە. وعان نە سەبەپ جانە ايماقتاردا قۇس ەتىنىڭ باعاسى قانشا ەكەنىن Kazinform ءتىلشىسى انىقتاپ ءبىلدى.
قازاقستان نارىعىندا قۇس ەتىنە دەگەن سۇرانىس ارتىپ كەلەدى. سونىڭ ىشىندە دۇرىس تاماقتانۋعا بەت بۇرعان ادامدار اراسىندا تەز قورتىلاتىن ەتتى تۇتىناتىندار كوبەيدى. ولار اس مارىزىنە تاۋىقتىڭ ءتوس ەتىن قوسادى. ارىقتاۋدى ماقسات ەتكەن ادامدار دا وسى جولدى تاڭدايدى.
تاۋىق - ەڭ كوپ تاراعان ەت ءتۇرى. ءدامدى عانا ەمەس، باعاسى وزگەلەرگە قاراعاندا تومەن. اس ازىرلەگەندە دە تەز پىسەدى، پايدالى.
تاۋىق ەتىن تاسىمالداۋعا كەلەر بولساق، ءدال قازىر يمپورتقا قاراعاندا ەكسپورت ءۇش ەسە از. تاۋىق ەتى كوبىنە رەسەيدەن تاسىمالدانادى. ۇلتتىق ستاتيستيكا بيۋروسىنىڭ حابارلاۋىنشا، 2024 -جىلدىڭ قاڭتار ايىنان شىلدەگە دەيىن ەلىمىزدەن قۇنى 43 ميلليون ا ق ش دوللارى بولاتىن 25 مىڭ توننا قۇس ەتى ەكسپورتتالدى. ال قازاقستان قۇنى 1 ميلليارد ا ق ش دوللارى بولاتىن 72 مىڭ توننا قۇس ەتىن يمپورتتادى. ەندى قازاقستان ايماقتارىنداعى قۇس ەتىنىڭ باعاسىن سارالايىق. كوبىنە ادامدار تاۋىقتىڭ ءتوس ەتىن، قاناتى مەن سان ەتىن تۇتىنادى. ولاردىڭ ايماق بازارلارىنداعى باعاسى مىناداي:
ايتا كەتەيىك، وتكەن اپتادا سيىر ەتىنىڭ باعاسى كوتەرىلدى.
بۇعان دەيىن حابارلاعانىمىزداي، قازاقستاندا الەۋمەتتىك ماڭىزى بار تاۋار ءتىزىمى وزگەرىپ، ازىق-تۇلىك قۇنىن نەگىزسىز كوتەرگەندەرگە جازا كۇشەيەدى.
اۆتور
التىناي ساعىندىقوۆا
