قازاقستان اسىل تۇقىمدى قويلاردى موڭعولياعا ەكسپورتتايدى
استانا. kazinform – ق ر ا ش م ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ م. ا. سامات تولەگەنوۆ موڭعوليا ۆەتەريناريا باس باسقارماسىنىڭ وكىلدەرى باتسۋح باساان جانە دەلگەرماا باساانمەن كەزدەستى.
كەزدەسۋ بارىسىندا ۆەتەريناريا سالاسىنداعى ەكىجاقتى ىنتىماقتاستىقتىڭ نەگىزگى ماسەلەلەرى، سونىڭ ىشىندە قازاقستاننان موڭعولياعا اسىل تۇقىمدى قويلاردى ەكسپورتتاۋ ماسەلەسى تالقىلاندى.
وسى جىلدىڭ تامىز ايىندا ەكى ەلدىڭ ۆەدومستۆولارى ەكسپورتالاتىن تاۋارلىق جانە اسىل تۇقىمدى قويلار مەن ەشكىلەرگە ارنالعان ۆەتەريناريالىق سەرتيفيكاتتى كەلىسكەن بولاتىن.
قىركۇيەك ايىنىڭ باسىندا موڭعوليا وكىلدەرى تۇركىستان وبلىسىنىڭ شارۋاشىلىقتارىنا ۆەتەريناريالىق-سانيتاريالىق تالاپتارعا سايكەستىگى بويىنشا تەكسەرىس جانە تاۋەكەلدەردى باعالاۋ جۇرگىزدى.
ۆەتەريناريالىق قىزمەتتىڭ قۇرىلىمى مەن ەلدە جۇرگىزىلىپ جاتقان ۆەتەريناريالىق- پروفيلاكتيكالىق ءىس- شارالار وڭ باعالاندى.
سونداي- اق، تاراپتار ۆەتەرينارلىق باقىلاۋ جانە باعالاۋ كوميتەتى مەن موڭعوليانىڭ باس ۆەتەريناريا باسقارماسى اراسىندا ءوزارا ىنتىماستىق تۋرالى جاڭا مەموراندۋم جوباسىن تالقىلاپ، ۆەتەريناريالىق ماماندار مەن ۇلتتىق ۆەتەريناريالىق زەرتحانالار قىزمەتكەرلەرى اراسىندا تاجىريبە الماسۋعا كەلىستى.
