قازاقستان استىق ەكسپورتىن قىسقارتادى

بيىل جينالعان استىق ىشكى نارىقتى قامتاماسىز ەتۋ ءۇشىن جەتكىلىكتى. بۇل تۋرالى ق ر اۋىل شارۋاشىلىعى ۆيتسە-ءمينيسترى ازات سۇلتانوۆ ءمالىم ەتتى، دەپ حابارلايدى Kazinform

«جينالعان استىق ىشكى نارىقتى قامتاماسىز ەتۋ ءۇشىن جەتكىلىكتى. ەكسپورت بويىنشا ونىمدىلىك وتكەن جىلمەن سالىستىرعاندا تومەندىگىن ەسكەرە وتىرىپ، ىشكى نارىققا اسەر ەتپەيتىندەي استىق ەكسپورتىن قىسقارتامىز. ءداستۇرلى نارىقتارعا جەتكىزۋدى دە قىسقارتامىز. قازىردىڭ وزىندە كەلىسىمشارت بار. بۇگىندە جەتكىزىلىم جاقسى قارقىنمەن ءجۇرىپ جاتىر، مۇندا ءبىز قايتا وڭدەۋ ونىمدەرى مەن ۇنعا باسا نازار اۋدارامىز»، - دەدى ازات سۇلتانوۆ «KazAgro-2023» حالىقارالىق كورمەسىنىڭ اياسىندا جۋرناليستەردىڭ سۇراقتارىنا جاۋاپ بەرە وتىرىپ.

سونداي-اق ب ا ق وكىلدەرى ۆيتسە-مينيستردەن استىق ەكسپورتىنىڭ قانشالىقتى قىسقاراتىنى تۋرالى سۇرادى.

«بيىل ءبىز 5 ميلليون توننا استىق ەكسپورتىن جوسپارلاپ وتىرمىز. بۇرىن بۇل كولەم 7-8 ميلليون توننانى قۇراعان، بۇل ورتاشا جىلدىق كولەم. كۆوتالار بولمايدى. ەكسپورتتى شەكتەۋدىڭ العىشارتتارى جوق. سەبەبى ماركەتينگ ماۋسىمى ەندى باستالادى. استىق جەتكىلىكتى»، - دەيدى ءمينيستردىڭ ورىنباسارى.

ايتا كەتەيىك، بۇگىن استانادا «KazAgro-2023» كورمەسى ءوتىپ جاتىر.