قازاقستان ارقىلى 8 ايدا قىتايدىڭ 7,3 ميلليون توننا جۇگى ءوتتى

بيىل 8 ايدا قىتايدان قازاقستان ارقىلى 7,3 ميلليون توننا جۇك ءوتتى، دەپ حابارلايدى قازاقپارات ءتىلشىسى.

Фото: ҚазАқпарат
Фото: из открытых источников

مەملەكەتتىك كىرىستەر كوميتەتىنىڭ مالىمەتىنشە، 2023-جىلدىڭ 1- قاڭتارى مەن 1- تامىزى ارالىعىندا قازاقستانعا قىتايدان 1763603 توننا جۇك كەلدى. ال وسى ارالىقتا ەلىمىز ارقىلى قىتايدان ارمەنياعا 8506 توننا، بەلارۋسقا 231396 توننا، قىرعىزستانعا 222310 توننا، رەسەيگە 2250058، ە ا ە و ەلدەرىنە 2712270 توننا، ءۇشىنشى ەلدەرگە 2884551 مىڭ توننا جۇك جونەلتىلدى.

«بۇل رەتتە، سىرتقى ەكونوميكالىق قىزمەت تاۋارلار نومەنكلاتۋراسىنىڭ 39 (پلاستماسسالار جانە ولاردان جاسالعان بۇيىمدار)، 40 (كوكساعىز، رەزەڭكە جانە ولاردان جاسالعان بۇيىمدار)، 48 (قاعاز جانە كارتون؛ قاعاز ماسساسىنان، قاعازدان نەمەسە كارتوننان الىنعان بۇيىمدار)، 64 (اياق-كيىم، گەترالار جانە ۇقساس بۇيىمدار؛ ولاردىڭ بولىكتەرى)، 73 (قارا مەتالداردان جاسالعان بۇيىمدار)، 84 (يادرولىق رەاكتورلار، قازاندار، جابدىقتار مەن مەحانيكالىق قۇرىلعىلار؛ ولاردىڭ بولىكتەرى)، 85 (ەلەكتر ماشينكالارى مەن جابدىقتار، ولاردىڭ بولىكتەرى) جانە 87 (تەمىر جول نەمەسە ترامۆاي جىلجىمالى قۇرامدارىنان باسقا، جەرمەن جۇرەتىن كولىك قۇرالدارى جانە ولاردىڭ بولىكتەرى مەن كەرەك-جاراقتارى) كودتارى بويىنشا تاۋارلار باسقا تاۋارلارعا قاراعاندا ەداۋىر كوپ تاسىمالدانادى»، - دەپ ناقتىلايدى كوميتەت اگەنتتىك ءتىلشىسىنىڭ رەسمي ساۋالىنا وراي.

سوڭعى جاڭالىقتار