قازاقستان پاراسپورتشىلارى ازيادادان تاعى ءۇش مەدال جەڭىپ الدى
قىتايدىڭ حاڭجۋ قالاسىندا ءوتىپ جاتقان ازيا پاراويىندارىندا قازاقستاندىق پاراسپورتشىلار تاعى ءۇش مەدال جەڭىپ الدى، دەپ حابارلايدى Kazinform.
قازاقستاندىق پارادزيۋدوشى جانبوتا امانجول J2 ساناتى بويىنشا 90 كەلىگە دەيىنگى سالماقتا فينالعا دەيىن سۇرىنبەي جەتتى.
جانبوتانىڭ سوڭعى باسەكەدەگى قارسىلاسى مىقتى بولدى، وڭتۇستىككورەيالىق لي چون مين 2018 -جىلعى ازيا پارا ويىندارىنىڭ جانە بيىلعى الەم چەمپيونى ەدى.
ول جانبوتانى يپپون ادىسىمەن جەڭىپ كەتتى.
تاعى ءبىر پارادزيۋدوشى عالىمجان سماعۇل ۇلى J2 ساناتى بويىنشا 90 كەلىگە دەيىنگى سالماقتا قولا جۇلدە ءۇشىن بەلدەسۋدە وتابەك ەليسبەكوۆتى (وزبەكستان) 1:0 ەسەبىمەن قاپى قالدىردى.
سونىمەن قاتار پاراتاەكۆوندوشى، ەكى مارتە الەم چەمپيونى ءومىرالى نىشان كۇمىس جۇلدەنى قاناعات تۇتتى.
ول ك44 ساناتى بويىنشا 80 كەلىدەن استام سالماقتا 2021 -جىلعى الەم چەمپيونى، يراندىق حامەد حاگشەناسقا 11:30 ەسەبىمەن جول بەردى.
ەسكە سالا كەتەيىك، بۇدان بۇرىن زارينا رايفوۆانىڭ ازيا پارا ويىندارىنىڭ كۇمىس جۇلدەگەرى اتانعانىن جازعان بولاتىنبىز.
سونداي- اق پارازيادادا قازاقستان قورجىنىنا تاعى 4 مەدال ءتۇستى.
