قازاقستان پاراليمپيادا ويىندارىنىڭ 21-ليتسەنزياسىنا يە بولدى

استانا. KAZINFORM - حالىقارالىق پاراليمپيادا كوميتەتىنىڭ ءۇش جاقتى بيپارت كوميسسياسىنىڭ شەشىمىمەن قازاقستاندىق پارا سپورتشى سيەۆدا الييەۆا پاريج-2024 پاراليمپيادا ويىندارىنىڭ پارا وق اتۋدان ليتسەنزيا يەگەرى اتاندى.

ق ر تۋريزم جانە سپورت مينيسترلىگى ءمالىم ەتكەندەي، سيەۆدا 10 مەترلىك P2 پنيەۆماتيكالىق تاپانشامەن اتۋ ديستسيپليناسىندا ونەر كورسەتەدى.

بۇل - پارا وق اتۋدان قازاقستاننىڭ ەكىنشى ليتسەنزياسى. بۇدان بۇرىن وسى سپورت تۇرىندە العاشقى ليتسەنزيانى قازاقستاندىق ەركىن عابباسوۆ الەم كۋبوگىندا پنيەۆماتيكالىق مىلتىقپەن اتۋدان R1 ديستسيپليناسىندا جەڭىپ العان بولاتىن.

قازىرگى ۋاقىتتا قازاقستاننىڭ پاراليمپيادا ويىندارىندا سپورتتىڭ 8 تۇرىنەن 21 ليتسەنزيا بار. ولاردىڭ ىشىندە: پارا پاۋەرليفتينگ (5)، پارا جەڭىل اتلەتيكا (3)، پارا ءجۇزۋ (4)، ۆولەيبولدى وتىرىپ ويناۋ (1)، پارا ۇستەل تەننيسى (1)، پارا تاەكۆوندو (3)، پارا كانوە (2) جانە پارا وق اتۋ (2).

XVII جازعى پاراليمپيادا ويىندارى 28-تامىز بەن 8-قىركۇيەك ارالىعىندا وتەدى.

جارىستا 23 سپورت تۇرىنەن 549 مەدال جيىنتىعى ويناتىلادى.

اۆتور كۇنسۇلتان وتارباي