قازاقستان «اقىلدى قالا» سالۋدى قىتايدان ۇيرەنبەك

سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن قىتايدىڭ «جىبەك جولى» يندۋستريالىق ينتەرنەتتى جىلجىتۋ ورتالىعى ىنتىماقتاستىق ماسەلەلەرىن تالقىلادى، دەپ حابارلادى مينيسترلىكتىڭ باسپا ءسوز قىزمەتى.

2023-جىلعى 24-25- قاراشادا ت س د ي ا ءو م وكىلدەرى جىجياڭ پروۆينتسياسىنداعى ۆىنجۋ قالاسىندا وتكەن كونفەرەنسياعا قاتىستى. ونىڭ اياسىندا ت س د ي ا ءو م مەن جىبەك جولىنىڭ ونەركاسىپتىك ينتەرنەتىن ىلگەرىلەتۋ ورتالىعى اراسىندا عىلىمي-تەحنيكالىق ىنتىماقتاستىق جونىندەگى ءوزارا تۇسىنىستىك تۋرالى مەموراندۋمعا قول قويىلدى.

مەموراندۋم اياسىندا قوس تاراپ سيفرلىق تەحنولوگيالار سالاسىنداعى ىنتىماقتاستىقتى نىعايتۋعا جانە دامىتۋعا، ەكونوميكانىڭ يننوۆاتسيالىق سەكتورلارىنداعى ىنتىماقتاستىقتى قولداۋعا جانە دامىتۋعا نيەتتى. مينيسترلىك عىلىمي-تەحنولوگيالىق پلاتفورمانى پايدالانا وتىرىپ، سيفرلىق ترانسفورماتسيا جانە جاڭعىرتۋ جولىمەن سيفرلىق («اقىلدى) قالالاردى سالۋعا مۇددەلى.

مۇنداي مەگاجوبا قازاقستانداعى عىلىمي-زەرتتەۋ بازاسى مەن تەحنيكالىق قۇزىرەتتىلىك دەڭگەيىن دامىتۋعا، سونداي-اق جاڭا جۇمىس ورىندارىن اشىپ، ەكونوميكانى دامىتۋعا ىقپال ەتەدى.

halyq-uni.kz