قازاقستان اۋماعىندا اۆتوماتتاندىرىلعان ولشەۋ جۇيەلەرىنىڭ سانى ارتادى

استانا. KAZINFORM – ق ر كولىك مينيسترلىگى ەلوردانىڭ نەگىزگى كىرەبەرىستەرىندە اۋىر جۇك كولىكتەرىنىڭ سالماعىن ولشەيتىن اۆتوماتتاندىرىلعان جۇيەگە قاتىستى تۇسىنىك بەردى.

Жүк көліктері
Фото: Максат Шагырбаев/ Kazinform

- 2024-جىلدىڭ قىركۇيەك ايىنان باستاپ اۆتوماتتاندىرىلعان ولشەۋ ستانسيالارىنىڭ (بۇدان ءارى – ءا و س) كورسەتكىشتەرى نەگىزىندە قۇقىق بۇزۋشىلاردىڭ اتىنا 740 قا جۋىق ايىپپۇل تولەۋ قاجەتتىلىگى تۋرالى نۇسقاما جولداندى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

سونىمەن قاتار، ق ر پرەمەر-ءمينيسترىنىڭ تاپسىرماسىن ورىنداۋ ماقساتىندا 2025-جىلدىڭ سوڭىنا دەيىن قازاقستان رەسپۋبليكاسى اۋماعىندا جەرگىلىكتى اتقارۋشى ورگاندار 150 اۆتوماتتاندىرىلعان ولشەۋ ستانسيالارىن، ال «قازاۆتوجول» ۇ ق» ا ق 70 ءا و س- ءتى ورنالاستىرۋدى جوسپارلاپ وتىر.

بۇدان بۇرىن حابارلانعانداي، بيىل قىركۇيەك ايىندا استانا قالاسىنا نەگىزگى كىرەبەرىس جولداردا اۆتوماتتاندىرىلعان ولشەۋ جۇيەسى ىسكە قوسىلدى. ەلوردا اۋماعىندا قازىر 7 ولشەۋ جۇيەسى ورناتىلعان.

بىلتىر 4-جەلتوقساننان ەلورداعا نەگىزگى كىرەبەرىس جولداردا جۇك كولىكتەرىن اۆتوماتتاندىرىلعان تارتىپتە ولشەۋ جۇيەسى «سەرگەك» قاعيداتى بويىنشا جۇمىس ىستەيدى.

سوڭعى جاڭالىقتار