قازاقستان التىن ساتىپ الۋ بويىنشا الەمدە ءۇشىنشى ورىندا تۇر
استانا. KAZINFORM - حالىقارالىق ۆاليۋتا قورىنىڭ مالىمەتىنشە، ناۋرىز ايىندا ورتالىق بانكتەردىڭ تازا التىن ساتىپ الۋ كولەمى 16 توننانى قۇرادى.
بارلىق ەل اراسىندا قازاقستان تۇركيا، ءۇندىستان جانە قىتايدان كەيىن ساتىپ الۋ كولەمى بويىنشا الەمدە ءۇشىنشى ورىنعا يە بولدى.
ءبىر ايداعى ەڭ كوپ التىندى (14 توننا)- تۇركيانىڭ ورتالىق بانكى ساتىپ الدى، ودان كەيىن ءۇندىستاننىڭ رەزەرۆتىك بانكى مەن قىتايدىڭ حالىق بانكى التىن قورلارىن 5 تونناعا تولتىردى. ءۇشىنشى ورىندى 4 توننا باعالى مەتالل ساتىپ العان قازاقستان مەن سينگاپۋر ءبولىستى.
ناۋرىز ايىندا ورتالىق ازيا ەلدەرى اراسىندا قازاقستان التىن ساتىپ الۋ كولەمى بويىنشا ءبىرىنشى ورىندى يەلەندى.
التىننىڭ نەگىزگى ساتىپ الۋشىلارى سينگاپۋردان باسقا دامۋشى نارىقتارى بار ەلدەردىڭ ورتالىق بانكتەرى بولدى. سينگاپۋردىڭ اقشا-نەسيە باسقارماسى -التىن قورىن تولىقتىراتىن جالعىز دامىعان نارىق بانكى.
سونداي- اق ءازىربايجان رەسپۋبليكاسىنىڭ مەملەكەتتىك مۇناي قورى (م ق ق ق) جىل باسىنان بەرى التىن قورىنىڭ 3 تونناعا ارتقانىن حابارلاعان جالعىز قور بولدى.
11 توننا التىن ساتقان وزبەكستان مەملەكەتى قورىن بارىنشا ازايتتى. يوردانيا دا قورىن 4 تونناعا، تايلاند 10 تونناعا ازايتتى.
