قازاقستان الەۋمەتتىك جەلىدە ءدىني ۋاعىز جۇرگىزۋگە شەكتەۋ قويا ما - ۆيتسە-مينيستر جاۋابى

استانا. KAZINFORM - مادەنيەت جانە اقپارات ۆيتسە-ءمينيسترى قانات ىسقاقوۆ سەنات وتىرىسىنان كەيىنگى بريفينگىدە الەۋمەتتىك جەلىدە ءدىني ۋاعىز جۇرگىزۋشىلەر تۋرالى پىكىر ءبىلدىردى.

ب ا ق وكىلى ۆيتسە-مينيستردەن وزبەكستاننىڭ الەۋمەتتىك جەلىدە ءدىني ۋاعىز جۇرگىزۋگە تىيىم سالۋ تاجىريبەسىن قازاقستاندا قولدانۋ مۇمكىندىگى تۋرالى سۇرادى.

«ارينە، كورشىمىزدىڭ بۇل تاجىريبەسىن بىلەمىز. مەنىڭ ويىمشا، الەۋمەتتىك جەلىلەر دە ۇممەت جانە ازاماتتارمەن بايلانىس ورناتۋدىڭ ءبىر قۇرالى. سوندىقتان ءبىز ازىرشە باسقا نۇسقانى قاراستىرىپ جاتىرمىز. ءبىراق الەۋمەتتىك جەلىدە ۋاعىز جۇرگىزۋگە تىيىم سالۋ ماسەلەسى قاراستىرىلىپ وتىرعان جوق»، - دەدى ول.

ق. ىسقاقوۆ ءدىني ۋاعىزدى الەۋمەتتىك جۇرگىزۋدىڭ بىرنەشە ءتاسىلى كەڭ تاراعانىن اتاپ ءوتتى.

«قارىم-قاتىناستىڭ باسقا دا نۇسقاسى بار. مىسالى، وففلاين، ونلاين، ستريمگە شىعۋ. بۇل جاماعات سويلەسۋدىڭ ءبىر نۇسقاسى. كۇن تارتىبىندە بۇل ماسەلەگە تىكەلەي شەكتەۋ قويۋ تۇرعان جوق»، - دەدى ول.

اۆتور
ەسىمجان ناقتىباي