قازاقستان ا ق ش-قا الماتىدان 49 جىلعا جالعا جەر بەرەدى
استانا. KAZINFORM - ءماجىلىس الماتى قالاسىندا «ا ق ش-تىڭ كونسۋلدىق مەكەمەسىنىڭ ءۇي-جايىن سالۋ ءۇشىن جەر ۋچاسكەسىن جالعا بەرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن قابىلدادى.
- مەملەكەت باسشىسى 2019 -جىلى ب ۇ ۇ- نىڭ باس اسسامبلەياسىنىڭ 74-سەسسياسىنا قاتىسۋ قورىتىندىسى بويىنشا الماتى قالاسىندا ا ق ش كونسۋلدىعى مەكەمەسىن سالۋ ءۇشىن جەر بەرۋ تۋرالى تاپسىرما بەردى. پرەزيدەنت تاپسىرماسىن ورىنداۋ ماقساتىندا
نيۋ-يوركتە 2024-جىلى 27-قىركۇيەكتە كەلىسىمگە قول قويىلدى. كەلىسىمنىڭ ماقساتى - ا ق ش ۇكىمەتىنە 7,5 گەكتار (70593 شارشى مەتر)، ياعني جاماقايەۆ كوشەسى، ءال-فارابي داڭعىلى، س. سەيفۋللين داڭعىلى جانە الداركوسە كوشەسىنىڭ اراسىندا ورنالاسقان جەر ۋچاسكەسىن 49 جالعا بەرۋ. ا ق ش ۇكىمەت كەلىسىم كۇشىنە ەنگەن كۇننەن باستاپ 30 كۇننىڭ ىشىندە جەردى جالعا الۋ اقىسىن ءبىر جولعى تولەممەن 25301016 ميلليون ا ق ش دوللارىن تولەيدى، - دەدى سىرتقى ىستەر ءمينيسترىنىڭ ءبىرىنشى ورىنباسارى اقان راحمەتتۋلين ءماجىلىستىڭ جالپى وتىرىسىندا.
ونىڭ ايتۋىنشا، اتالعان كەلىسىم قازاقستان مەن ا ق ش اراسىندا ستراتەگيالىق ىنتىماقتاستىقتى نىعايتۋدى كوزدەيدى.
- كەلىسىمنىڭ كۇشىنە ەنۋى قازاقستاننىڭ ساياسي جانە پراكتيكالىق مۇددەسىنە سايكەس كەلەدى. بىرىنشىدەن، اتالعان جەر ۋچاسكەسىن جالعا بەرۋ كەلىسىمىنىڭ ارقاسىندا قازاقستانعا ا ق ش- تىڭ سان- فرانتسيسكو قالاسىندا ەلىمىزدىڭ باس كونسۋلدىعىن اشۋعا رۇقسات بەردى. ەكىنشىدەن، ا ق ش تاراپىمەن الدىن الا كەلىسىلگەندەي اتالعان زاڭ جوباسى راتيفيكاتسيالانعاننان كەيىن ا ق ش تاراپى حيۋستوندا (تەحاس شتاتى) تاعى ءبىر قازاقستان كونسۋلدىعىن اشۋعا رۇقسات بەرەدى. ۇشىنشىدەن، جاڭا باس كونسۋلدىقتىڭ قۇرىلىسى ونىڭ قىزمەتىنىڭ ۇلعايۋىنا، بيزنەستىڭ دامۋىنا، قالا ينفراقۇرىلىمىنىڭ دامۋىنا جانە ۇزاقمەرزىمدى پەرسپەكتيۆادا جاڭا جۇمىس ورىندارىنىڭ اشىلۋىنا ىقپال ەتەدى. تورتىنشىدەن، امەريكالىق جانە باسقا دا حالىقارالىق كومپانيالار ءۇشىن تارتىمدى ينۆەستيتسيا، - دەيدى ول.
ايتا كەتەلىك ا ق ش قازاقستانعا قاتىستى «دجەكسون- ۆەنيك» تۇزەتۋلەرىن جويۋ تۋرالى زاڭ جوباسىن قارايدى.
