قازاقستان 2025 -جىلى قىتايداعى ەڭ پەرسپەكتيۆالىق تۋريستىك باعىت دەپ تانىلدى

الماتى. KAZINFORM - قازاقستان «2025 -جىلعى ەڭ پەرسپەكتيۆالىق جاڭا باعىت» ماراپاتىن يەلەندى.

قىتايدىڭ جەتەكشى ونلاين- تۋريستىك اگەنتتىگى Tongcheng Travel بۇل ماراپاتتى «Kazakh Tourism» كومپانياسىنا تابىستادى.

ايتا كەتكەن ءجون، قىتايداعى ەڭ ءىرى ونلاين-تۋريستىك اگەنتتىكتەردىڭ ءبىرى سانالاتىن Tongcheng Travel پلاتفورماسى 230 ميلليوننان استام قولدانۋشىنى بىرىكتىرەدى.

ونلاين- اگەنتتىك دەرەكتەرىنە سۇيەنسەك، 2024 -جىلى قىتايلىق تۋريستەر اراسىندا قازاقستانعا ساياحاتتاۋعا دەگەن سۇرانىس وعان دەيىنگى جىلمەن سالىستىرعاندا %300 ارتا تۇسكەن. Tongcheng Travel بۇل ءۇردىس 2025 -جىلى دا جالعاسادى دەپ بولجايدى.

- تۋريزم جىلى اياسىندا قىتاي تۋريستەرىنىڭ قاتارى شامامەن ەكى ەسە ارتقانىن جانە قازاقستانعا ساياحاتتاۋعا دەگەن سۇرانىستىڭ ايتارلىقتاي وسكەنىن بايقادىق. ءبىز بۇل ءۇردىستى قولداپ، اسپان استى ەلىنىڭ جەتەكشى ونلاين- پلاتفورمالارىمەن ىنتىماقتاستىقتى كەڭەيتۋدى دىتتەپ وتىرمىز، - دەپ اتاپ ءوتتى «Kazakh Tourism» ۇ ك» ا ق باسقارماسى ءتوراعاسى قايرات ءسادۋاقاسوۆ.

2024 -جىلى قىتايداعى قازاقستان تۋريزمىنىڭ جىلى ناتيجەسىندە ق ح ر-دان كەلگەن تۋريستەر لەگى %78 ۇلعايىپ، 655 مىڭ ادامعا جەتتى.

ەسكە سالايىق، 2024 -جىل قىتايداعى قازاقستان تۋريزمى جىلى بولىپ، اسپان استى ەلىنىڭ ءىرى قالالارىندا 30 دان استام ءىس-شارا ءوتتى.

اۆتور

دوسبول اتاجان