قازاقستان 2024 -جىلى ساياحاتتاۋعا ارنالعان ۇزدىك الەمدىك دەستيناتسيالار قاتارىنا كىردى
استانا. KAZINFORM – ق ر تۋريزم جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى نۇرتاس كارىپبايەۆ و ك ق الاڭىندا وتكەن باسپا ءسوز كونفەرەنتسياسىندا ەلىمىزدىڭ ءبىرقاتار جەتىستىكتەرىنە توقتالدى.

The New York Times نۇسقاسى بويىنشا الماتى قالاسى ۇزدىك 52 تۋريستىك باعىتتىڭ قاتارىنا ەندى. ال، Conde Nast Traveller جانە Wanderlust قازاقستاندى 2024 -جىلى ساياحاتتاۋعا ارنالعان ۇزدىك الەمدىك دەستيناتسيالاردىڭ قاتارىنا قوستى. سونىمەن قاتار، Conde Nast Traveller Italia «شىمبۇلاق» تاۋ كۋرورتىن توپ-5 تاۋ شاڭعىسى دەستيناتسياسىنا ەنگىزگەن.
«وسى جىلدىڭ قاڭتار ايىندا ەل ءۇندىستاننىڭ Today نۇسقاسى بويىنشا «ءۇندى ساياحاتشىلارىنىڭ جەتەكشى باعىتى» اتاعىن الدى. قازاقستان Skyscanner دەرەكتەرى بويىنشا ءۇندىستان نارىعى ءۇشىن №1 دەستيناتسيا بولىپ تابىلادى، سونداي- اق بيىل ورازا كەزىندە (Eid Al Fitr) ب ا ءا تۋريستەرى ءۇشىن توپ باعىتتاردى باسقاردى. سونداي- اق، Forwardkeys مالىمەتتەرى بويىنشا، قازاقستان قىتايدان كەلەتىن تۋريستەر اعىنىن قالپىنا كەلتىرۋدىڭ ەڭ جوعارى كورسەتكىشىنە يە – ءوسىمنىڭ %212 ى، بۇل قازاقستاندى ق ح ر ازاماتتارى ءۇشىن ەڭ تانىمال 50 تۋريستىك باعىتتىڭ قاتارىنا قوسادى»، - دەپ اتاپ ءوتتى سپيكەر.