قازاقستانعا كەلگەن تۋريست ەڭ الدىمەن نەنى بايقايدى

ءار ساپاردىڭ ارتىندا قوناقتى قارسى الىپ، دەمالىسىن ۇيىمداستىراتىن جانە ەل تۋرالى اسەرىن قالىپتاستىراتىن كاسىبي ماماندار بار.

بۇگىندە قازاقستاننىڭ تۋريستىك سالاسى قارقىندى دامىپ كەلەدى. 2026-جىلدىڭ ءبىرىنشى جارتىجىلدىعىندا ەلگە شامامەن 7 ميلليون تۋريست كەلدى. تۋريستىك اعىننىڭ وسۋىمەن بىرگە بىلىكتى كادرلارعا دەگەن سۇرانىس تا ارتىپ وتىر.

سالاعا قاجەتتى مامانداردى دايارلاۋ ىسىنە تۋريزم جانە سپورت مينيسترلىگى ەرەكشە ءمان بەرەتىنىن اتاپ ءوتتى. وسى باعىتتاعى نەگىزگى ءبىلىم بەرۋ ورتالىقتارىنىڭ ءبىرى - حالىقارالىق تۋريزم جانە مەيماندوستىق ۋنيۆەرسيتەتى. بۇل - قازاقستانداعى تۋريزم سالاسىنا ماماندانعان العاشقى جوعارى وقۋ ورنى.

قازىرگى تاڭدا ۋنيۆەرسيتەتتە 3 مىڭنان استام ستۋدەنت ءبىلىم الادى. وقۋ 14 ءبىلىم بەرۋ باعدارلاماسى بويىنشا جۇرگىزىلەدى. ونىڭ ىشىندە 8 باكالاۆريات جانە 4 ماگيستراتۋرا باعدارلاماسى بار. ولاردىڭ قاتارىندا موڭعوليا، وزبەكستان جانە رەسەيدەن كەلگەن ستۋدەنتتەر دە بار.

ستۋدەنتتەر تۋريزم، قوناق ءۇي جانە مەيرامحانا ءىسى، ەكسكۋرسيالىق قىزمەت، سپورتتىق تۋريزم، ءىس-شارالار مەنەدجمەنتى جانە باسقا دا باعىتتار بويىنشا ءبىلىم الادى.

ايتا كەتەيىك، استاناعا كەلەتىن تۋريستەر سانى قالانىڭ الەۋەتىنە ءالى ساي ەمەس. ەلوردا جىلىنا 4-6 ميلليون تۋريست قابىلداي الادى. بۇل تۋرالى «Future of Mobility» ج ش س- ءنىڭ دامۋ جونىندەگى ديرەكتورى ۇلىبەك قيمانوۆ مالىمدەدى.

حالىقارالىق Lonely Planet تۋريستىك باسىلىمى استانانى Best in Travel 2027 -جىل سايىنعى ۇزدىك باعىتتار مەن تۋريستىك اسەرلەر توپتاماسىنا ەنگىزدى.

قازاقستان قوناق ۇيلەرى تۇڭعىش رەت MICHELIN Key بەلگىسىنە يە بولدى.

قازاقستان شەتەلدىك تۋريستەر ءۇشىن تارتىمدى باعىتقا اينالدىرۋ جولىنداعى قادامىن كۇشەيتتى. Air Astana ،Kazakh Tourism جانە بەس ءوڭىر كۇش بىرىكتىرىپ، حالىقارالىق نارىقتا قازاقستاننىڭ تۋريستىك الەۋەتىن كەڭىنەن تانىتۋعا كىرىستى.