قازاقستاندا تۇرعىن ءۇي باعاسى ءبىر جىلدا قالاي وزگەردى

بۇل تۋرالى ۇلتتىق بانكتىڭ قارجى جانە ناقتى اكتيۆتەر نارىعىن تالداۋ باسقارماسىنىڭ باسشىسى تالعات جارقىنباي ۇلتتىق بانكتىڭ ساراپتامالىق-تالدامالىق پىكىرتالاس كلۋبىنىڭ وتىرىسىندا ايتتى.

ونىڭ ايتۋىنشا، 2025-جىلى جىلجىمايتىن مۇلىك نارىعىندا بەلسەندىلىك جوعارى دەڭگەيدە ساقتالدى. ناتيجەسىندە ەكى نارىقتا دا، ياعني باستاپقى جانە قايتالاما تۇرعىن ءۇي نارىقتارىندا، جىل قورىتىندىسى بويىنشا باعالار شامامەن %15 وسكەن.

- 2025-جىلى نارىقتار جالپى بەلسەندى بولدى. جىل قورىتىندىسى بويىنشا ەكى نارىقتا دا باعالار %15 عا ءوستى. 2026-جىلدىڭ ءبىرىنشى جارتىجىلدىعىندا ءوسىم قارقىنى ءبىرشاما باياۋلاعانىمەن، ول ءالى دە ينفلياتسيا دەڭگەيىنەن جوعارى بولدى، - دەدى تالعات جارقىنباي.

سونىمەن قاتار 2026-جىلدىڭ العاشقى التى ايىندا جىلجىمايتىن مۇلىك نارىعىنداعى مامىلەلەر سانى وتكەن جىلدىڭ سايكەس كەزەڭىمەن سالىستىرعاندا ءبىرشاما تومەندەگەن.

- ەگەر نارىقتاعى بەلسەندىلىكتى ساتىپ الۋ-ساتۋ مامىلەلەرى ارقىلى تالدايتىن بولساق، 2026-جىلدىڭ ءبىرىنشى جارتىجىلدىعىندا مامىلەلەر سانى 2025-جىلدىڭ ءبىرىنشى جارتىجىلدىعىمەن سالىستىرعاندا ءبىرشاما قىسقاردى،-دەدى ۇلتتىق بانك وكىلى.

ونىڭ مالىمەتىنشە، وسى كەزەڭدە جەڭىلدەتىلگەن يپوتەكالىق باعدارلامالار بويىنشا نەسيە بەرۋ كولەمى، كەرىسىنشە، ارتقان. 2026-جىلدىڭ ءبىرىنشى جارتىجىلدىعىندا جەڭىلدەتىلگەن يپوتەكا بەرۋ كورسەتكىشى 2025-جىلدىڭ سايكەس كەزەڭىمەن سالىستىرعاندا %27 عا وسكەن.

سونىمەن بىرگە تۇرعىن ءۇي جاعدايىن جاقسارتۋ ماقساتىندا ءبىرىڭعاي جيناقتاۋشى زەينەتاقى قورىنان (ب ج ز ق) قاراجات الۋ كولەمى دە ايتارلىقتاي بولدى.

- 2026-جىلدىڭ ءبىرىنشى جارتىجىلدىعىندا ب ج ز ق- دان تۇرعىن ءۇي جاعدايىن جاقسارتۋعا شامامەن 500 ميلليارد تەڭگە الىندى،-دەدى تالعات جارقىنباي.

بۇعان دەيىن تۇرعىن ءۇي باعاسى مەن وتباسى تابىسى سالىستىرىلاتىنىن جازعانبىز.