قازاقستاندا قىلمىس بەلەڭ الىپ تۇر ما: ءى ءى م سۇمدىق ستاتيستيكانى جاريالادى

ىشكى ىستەر مينيسترلىگى قازاقستاندا بيىل تابيعات قورعاۋ زاڭىن بۇزعاندارعا قاتىستى 100 دەن استام قىلمىستىق ءىس سوتقا جولدانعانىن ءمالىم ەتتى. سول سياقتى 2 مىڭنان استام زاڭسىز قارۋ-جاراق تاركىلەنگەن. ولاردىڭ اراسىندا قاڭتار وقيعاسى كەزىندە ۇرلانعاندارى دا بار، دەپ حابارلايدى Azattyq R‎hy.

ۆەدومستۆو مالىمەتىنشە، بيىل توعىز اي ىشىندە پوليتسيا قىزمەتكەرلەرى تابيعات قورعاۋ زاڭىن بۇزعاندارعا قاتىستى 119 قىلمىستىق ءىستى سوتقا جولدادى. سول سياقتى وسى ارالىقتا 23 توننادان استام بالىق اۋلاعاندار ۇستالدى. ونىڭ ءبىر جارىم تونناسى - بەكىرە تۇقىمداس بالىق. ولاردان تاعى 11 كەلىگە جۋىق ۋىلدىرىق تاركىلەنگەن. براكونەرلەردەن 361 كيىك ءمۇيىزى، 29 شاقىرىمعا جۋىق تىيىم سالىنعان بالىق اۋلاۋ تورى جانە 345 اڭشىلىق قارۋ تابىلدى. وسى ءىسى ءۇشىن 13200 ادام اكىمشىلىك جاۋاپقا تارتىلعان.

ءى ءى م سولتۇستىك قازاقستان وبلىسىنىڭ اقجار اۋدانىنداعى اۋىلداردىڭ بىرىندە ءبىر تونناعا جۋىق بالىق تيەگەن «گازەل» كولىگى تابىلعانىن حابارلادى. بالىقتان بولەك، ەكى قايىق پەن قايىق موتورلارى بولعان. قازىر پوليتسيا بالىقتىڭ قايدان اۋلانعانى مەن زاڭدىلىعىن تەرگەپ جاتىر.

ۆەدومستۆو زاڭسىز قارۋ ماسەلەسىندە دە جاعداي ۋشىعىپ تۇرعانىن مالىمدەدى.

«جىل باسىنان بەرى پوليتسيا زاڭسىز اينالىمنان ەكى مىڭنان استام قارۋ-جاراق تاركىلەدى. ولاردىڭ اراسىندا قىلمىستىق ىستەرگە قاتىسى بار 184 قارۋ مەن قاڭتار وقيعاسىندا ۇرلانعان 160 قارۋ بار. سول سياقتى 20-23-قازان ارالىعىندا 170 تەن استام اتىس قارۋى مەن 800 دەن استام وق-ءدارى تاركىلەندى. الماتى، شىمكەنت قالالارىندا جانە جەتىسۋ وبلىسىندا قاڭتار وقيعاسى كەزىندە قارۋ- جاراق دۇكەندەرىنەن ۇرلانعان ءتورت قارۋ تابىلىپ، تاركىلەندى»، - دەلىنگەن ءى ءى م حابارلاماسىندا.

ىشكى ىستەر مينيسترلىگى زاڭسىز قارۋ-جاراقتى ءوز ەركىمەن تاپسىرعاندار جاۋاپقا تارتىلمايتىنىن حابارلادى.