قازاقستاندا قۇستارمەن سوقتىعىسقان اۋە كەمەسى بىرنەشە رەيستىڭ كەستەسىن وزگەرتتى
استانا. قازاقپارات - 2026 -جىلعى 4-قاراشادا قىزىلوردا - استانا باعىتى بويىنشا IQ426 رەيسىن ورىنداۋ كەزىندە UP- DH003 اۋە كەمەسى قۇستارمەن سوقتىعىستى. بۇل تۋرالى Vietjet Qazaqstan اۋە كومپانياسىنىڭ رەسمي سايتىندا حابارلاندى.
- وسى وقيعانىڭ سالدارىنان اۋە كەمەسىنە قوسىمشا تەحنيكالىق تەكسەرۋلەر جۇرگىزۋ قاجەتتىلىگى تۋىندادى. وسىعان بايلانىستى اۋە كومپانياسىنىڭ ۇشۋ كەستەسىنە وزگەرىستەر ەنگىزىلىپ، بۇل بىرنەشە باعىت بويىنشا ءبىرقاتار رەيستىڭ كەشىگۋىنە اكەلدى. جولاۋشىلار مەن ەكيپاج مۇشەلەرىنىڭ قاۋىپسىزدىگى اۋە كومپانياسى ءۇشىن ءسوزسىز باسىمدىق سانالادى. بارلىق قاجەتتى تەحنيكالىق ءىس- شارالار اۆياتسيالىق قاۋىپسىزدىك جانە اۋە كەمەلەرىن تەحنيكالىق پايدالانۋ تالاپتارىنا سايكەس جۇرگىزىلىپ جاتىر، - دەلىنگەن حابارلامادا.
قازىر اۋە كومپانياسى جاعدايدىڭ ۇشۋ كەستەسىنە اسەرىن بارىنشا ازايتۋ جانە رەيستەردىڭ قالىپتى ورىندالۋىن تەزىرەك قالپىنا كەلتىرۋ ءۇشىن بارلىق قاجەتتى شارالاردى قابىلداپ جاتىر.
- جولاۋشىلارعا ءوز رەيستەرىنىڭ مارتەبەسى تۋرالى وزەكتى اقپاراتتى اۆياكومپانيانىڭ رەسمي ارنالارى ارقىلى قاداعالاپ وتىرۋ، سونداي-اق قوسىمشا سۇراقتار تۋىنداعان جاعدايدا اۋە كومپانياسى وكىلدەرىنە جۇگىنۋ ۇسىنىلادى، - دەپ ەسكەرتتى كومپانيانىڭ باسپا ءسوز قىزمەتى.
