قازاقستاندا قاي سالالاردا جۇمىس كوپ؟

ال 2025 -جىلى ەلدە 564,2 مىڭ جۇمىس ورنى قۇرىلىپ، ونىڭ 361,9 مىڭى تۇراقتى بولعان.

تۇراقتى جۇمىس ورىندارى ەڭ كوپ اشىلعان سالالار:

ەكونوميكانىڭ وزگە سالالارى - 137,7 مىڭ؛

ءبىلىم بەرۋ - 80,5 مىڭ؛

اۋىل، ورمان جانە بالىق شارۋاشىلىعى - 60,4 مىڭ؛

قۇرىلىس - 27,6 مىڭ؛

دەنساۋلىق ساقتاۋ جانە الەۋمەتتىك قىزمەت كورسەتۋ - 25,2 مىڭ؛

ساۋدا - 16,3 مىڭ؛

كولىك جانە قويمالاۋ - 10,9 مىڭ؛

ونەركاسىپ - 3,2 مىڭ.

قاي وڭىرلەردە تۇراقتى جۇمىس ورىندارى كوپ اشىلدى؟

2025 -جىلى تۇراقتى جۇمىس ورىندارىنىڭ ۇلەسى اقمولا جانە قوستاناي وبلىستارىندا 76 پايىزعا جەتتى. جامبىل وبلىسىندا بۇل كورسەتكىش %72، اقتوبە وبلىسى مەن شىمكەنت قالاسىندا %71 بولدى.

جاڭا جۇمىس ورىندارى حالىقتى تۇراقتى تابىسپەن قامتاماسىز ەتىپ، جۇمىسسىزدىقتى ازايتۋعا جانە وڭىرلەردىڭ ەكونوميكالىق دامۋىنا ىقپال ەتەدى. سونىمەن قاتار كاسىپورىنداردىڭ كوبەيۋى ساۋدا، تاسىمال جانە قىزمەت كورسەتۋ سالالارىنداعى سۇرانىستى ارتتىرادى.

الداعى ۋاقىتتا قاي سالالاردى دامىتۋ ماڭىزدى؟

ماماندار ءۇشىن تۇراقتى ءارى جوعارى جالاقى تولەنەتىن جۇمىس ورىندارىن اشۋ ماڭىزدى. اسىرەسە وڭدەۋ ونەركاسىبى، قۇرىلىس، اۋىل شارۋاشىلىعى جانە كولىك سالالارىن دامىتۋعا باسىمدىق بەرۋ قاجەت. بۇل ءوندىرىس كولەمىن ارتتىرىپ، جاڭا جۇمىس ورىندارىنىڭ اشىلۋىنا جانە حالىق تابىسىنىڭ وسۋىنە مۇمكىندىك بەرەدى.