قازاقستاندا قانشا وزبەك ازاماتى جۇمىس ىستەپ ءجۇر

وزبەكستان ورتالىق بانكىنىڭ جەكە تۇلعالاردىڭ ۆاليۋتا ايىرباستاۋ وپەراتسيالارى تۋرالى مالىمەتتەرىنە سايكەس، الەمنىڭ 40 قا جۋىق ەلىندە شامامەن 1,4 ميلليون وزبەكستاندىق جۇمىس ىستەيدى.

وزبەكستان ازاماتتارىنىڭ ەڭ كوپ سانى رەسەيدە جۇمىس ىستەيدى - 834200 ادام. ودان كەيىن تىزىمدە ەۋروپا ەلدەرى تۇر - 258 مىڭ، قازاقستان – 84400، تۇركيا - 72100 جانە وڭتۇستىك كورەيا - 46400 ادام.

ەڭبەك ميگرانتتارىنىڭ جالپى سانىنىڭ 398900 ى نەمەسە 28,6 پايىزى - ايەلدەر. جاستاردىڭ ۇلەسى - 402100 ادام نەمەسە 28,9 پايىز.

بۇل رەتتە وزبەكستاننان ەڭبەك ميگراتسياسىنىڭ گەوگرافياسى بىرتىندەپ وزگەرىپ كەلەدى: ت م د ەلدەرىنىڭ ۇلەسى 29 پايىزعا تومەندەدى، ال ەۋروپا ايماعىندا جۇمىس ىستەيتىن ازاماتتاردىڭ سانى 42 پايىز، ال شىعىس ازيادا - 26 پايىز ءوستى.

ەڭبەك ميگراتسياسىنىڭ نەگىزگى ەكونوميكالىق ىنتالاندىرۋشىسى وزبەكستان مەن باراتىن ەلدەر اراسىنداعى جالاقى دەڭگەيى بولىپ وتىر.

وسىعان دەيىن وزبەكستانعا بارعان شەتەلدىك تۋريستەردىڭ ءار ءتورتىنشىسى - قازاقستان ازاماتى ەكەنىن جازدىق.