قازاقستاندا ەلەكتر تاۋارلارى ارزاندادى

ۇلتتىق ستاتيستيكا دەرەكتەرىنە سايكەس، كوتەرمە باعانىڭ جالپى يندەكسى 2025 -جىلعى ساۋىرمەن سالىستىرعاندا 110,3 پايىز، ال 2025-جىلعى جەلتوقسانمەن سالىستىرعاندا 107,6 پايىز بولدى.

باعانىڭ تومەندەۋى

ەلەكتر تۇرمىستىق تاۋارلار مەن راديواپپاراتۋرا سەگمەنتىندە باعانىڭ تومەندەۋى بايقالدى. بۇل ساناتتاعى يندەكس 2025-جىلعى ءساۋىر دەڭگەيىنە شاققاندا 93,8 پايىزدى قۇراپ، تەحنيكا باعاسىنىڭ كوتەرمە نارىقتا ارزانداعانىن كورسەتتى.

باعا وسكەن نەگىزگى ساناتتار

قالعان سەگمەنتتەردە باعا ءوسىمى تىركەلدى.

ازىق-تۇلىك تاۋارلارى ىشىندە ەت جانە ەت ونىمدەرى 15,1 پايىزعا، ءسۇت ونىمدەرى 15,9 پايىزعا، قانت پەن كونديتەرلىك ونىمدەر 14,7 پايىزعا قىمباتتادى.

جانارماي باعاسى دا ءوستى. بۇل سەگمەنتتەگى يندەكس 114,6 پايىزدى قۇرادى. بەنزين 17,8 پايىزعا، سۇيىتىلعان گاز 25,3 پايىزعا قىمباتتاعان.

سەمەنت باعاسى 18,6 پايىزعا، بەتون جانە گيپس ونىمدەرى 3 پايىزعا ءوستى.

كوتەرمە باعانىڭ ەڭ جوعارى ءوسىمى اقتوبە وبلىسىندا تىركەلدى - 148,7 پايىز.

ودان كەيىنگى ورىنداردا:

- ۇلىتاۋ وبلىسى - 113,6 پايىز؛

- باتىس قازاقستان وبلىسى - 112,6 پايىز؛

- شىمكەنت - 110,3 پايىز؛

- استانا - 107,3 پايىز؛

- الماتى - 106,3 پايىز.

ورتاشا كوتەرمە باعالار:

- تاۋىق ەتى - 1377 تەڭگە/ك گ؛

- شۇجىق جانە شۇجىقشا - 2410 تەڭگە/ك گ؛

- ءسۇت - 599 تەڭگە/ل؛

- قايماق - 2312 تەڭگە/ك گ؛

- سارى ماي - 5100 تەڭگە/ك گ؛

- ىرىمشىك - 4384 تەڭگە/ك گ؛

- كۇنباعىس مايى - 850 تەڭگە/ل؛

- ۇن - 280 تەڭگە/ك گ؛

- كۇرىش - 469 تەڭگە/ك گ؛

- قانت - 416 تەڭگە/ك گ؛

- شاي - 4412 تەڭگە/ك گ؛

- اۋىز سۋ - 276 تەڭگە/ل؛

- ديزەل وتىنى - 368008 تەڭگە/ت؛

- سۇيىتىلعان گاز - 122742 تەڭگە/ت.

ايتا كەتەيىك، ازىق-تۇلىك باعاسىن ەندى جاساندى ينتەللەكت باقىلايدى.