قازاقستاندا كيبەرقاۋىپسىزدىك ماماندارىنا ارنالعان گرانتتار ارتادى

بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترىنىڭ ورىنباسارى - جاساندى ينتەللەكت جانە تسيفرلىق دامۋ ءمينيسترى جاسلان ماديەۆ ءمالىم ەتتى.

- كەلەسى باعىت - دەربەس دەرەكتەر مەن اسا ماڭىزدى سيفرلىق وبەكتىلەردى قورعاۋ. دەربەس دەرەكتەرگە قول جەتكىزۋدى باقىلاۋ سەرۆيسىنە 481 سيفرلىق جۇيە قوسىلدى. بارلىق مەملەكەتتىك جۇيەلەر قامتىلدى. 100 پايىزدىق نىسانالى كورسەتكىشكە قول جەتكىزىلدى. قاڭتار- تامىز ارالىعىندا eGov-تا 370 ميلليوننان استام سۇراۋ وڭدەلدى. كەلىسىمدى كەرى قايتارىپ الۋدىڭ 719 مىڭ جاعدايى تىركەلدى. ال اقپاراتتىق قاۋىپسىزدىكتىڭ جەدەل ورتالىعىنا اسا ماڭىزدى 432 سيفرلىق وبەكتىنىڭ 130 ى عانا قوسىلعان. جىل سوڭىنا دەيىن تاعى 86 وبەكتىنى قوسىپ، قامتۋدى %50 عا جەتكىزۋ قاجەت،-دەدى ج. ماديەۆ.

وسى ورايدا ول 2027-جىلى قامتۋدى %70 عا، ال 2028-جىلى %90 عا جەتكىزۋ كوزدەلگەنىن ايتتى.

- كيبەرمادەنيەتتى دە دامىتىپ جاتىرمىز. قىركۇيەك كيبەرقاۋىپسىزدىك ايى دەپ جاريالاندى. وقىتۋ ءىس-شارالارى، كەزدەسۋلەر جانە وڭىرلىك فورۋمدار وتكىزىلدى. كيبەرقاۋىپسىزدىك ماماندارىن دايارلاۋ ءۇشىن 12 جوعارى وقۋ ورنىندا گرانتتار بولىنگەن. 2030-جىلعا قاراي گرانتتار سانىن شامامەن 16,5 مىڭعا جەتكىزۋ جوسپارلانعان،-دەدى ۇكىمەت باسشىسىنىڭ ورىنباسارى.

بۇعان دەيىن حابارلانعانداي، قالالىق سەرۆيستەردى باسقارۋ بويىنشا استانا تاجىريبەسى ەل وڭىرلەرىندە ەنگىزىلەدى.