قازاقستاندا بالالار اراسىندا قانداي اۋرۋلار كوبەيگەن

بۇل سۇراقتارعا ق ر دەنساۋلىق ساقتاۋ مينيسترلىگىنىڭ مەديتسينالىق جانە فارماتسيەۆتيكالىق باقىلاۋ كوميتەتى جاۋاپ بەردى.

ايتا كەتەيىك، مەكتەپ وقۋشىلارىن پروفيلاكتيكالىق مەديتسينالىق قاراپ-تەكسەرۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020-جىلعى 15 -جەلتوقسانداعى № ق ر د س م-264/2020 بۇيرىعىمەن بەكىتىلگەن قاعيدالارعا سايكەس جىل سايىن وتكىزىلەدى.

- پروفيلاكتيكالىق قاراپ-تەكسەرۋلەردىڭ ناتيجەلەرى بويىنشا بالالار اراسىندا كوبىنە كوزدىڭ كورۋ قابىلەتىنىڭ ناشارلاۋى، تىرەك-قيمىل اپپاراتىنىڭ، اس قورىتۋ جۇيەسىنىڭ اۋرۋلارى، سونداي-اق ستوماتولوگيالىق اۋرۋلار انىقتالادى،-دەپ اتالىپ وتكەن ۆەدومستۆونىڭ Kazinform اگەنتتىگىنە بەرگەن جاۋابىندا.

بۇدان بۇرىن حابارلانعانداي، دەنساۋلىق ساقتاۋ مينيسترلىگى مەكتەپكە دەيىنگى جانە مەكتەپ جاسىنداعى بالالاردى پروفيلاكتيكالىق مەديتسينالىق قاراپ-تەكسەرۋدەن وتكىزۋ بويىنشا جاڭا قاعيدالاردى بەكىتتى.

بالاعا قاتىگەزدىك كورسەتىلگەنى انىقتالعان جاعدايدا، العاشقى مەديتسينالىق-سانيتارلىق كومەك ۇيىمى ءدال سول كۇنى ىشكى ىستەر ورگاندارىنا جانە بالانىڭ قۇقىقتارىن قامتاماسىز ەتۋگە جاۋاپتى جەرگىلىكتى اتقارۋشى ورگاندارعا حابارلاۋى ءتيىس.