قازاقستاندا التىننىڭ ءبىر گرامى قانشا تۇرادى؟
استانا. قازاقپارات – قازاقستان ۇلتتىق بانكىنىڭ مالىمەتىنشە، 15-قازان كۇنى تاڭەرتەڭگى جاعداي بويىنشا التىننىڭ ءبىر گرامىنىڭ باعاسى 60302,57 تەڭگەنى قۇرادى، دەپ حابارلايدى turkystan.kz.
ءبىر اپتا بۇرىن التىننىڭ ءبىر گرامى 59215,71 تەڭگە بولعان. وسىلايشا، ءبىر اپتا ىشىندە التىننىڭ باعاسى 1086,86 تەڭگەگە ءوستى.
سونداي-اق بەيسەنبى كۇنى الەمدىك نارىقتا التىن باعاسى %1 دان استام ءوسىپ، ا ق ش دوللارىنىڭ السىرەۋى اياسىندا ءبىر اپتاداعى ەڭ تومەنگى دەڭگەيدەن قايتا كوتەرىلدى. بۇل تۋرالى Reuters اگەنتتىگى حابارلادى.
سپوت نارىعىندا التىننىڭ باعاسى %1,3 عا ءوسىپ، ءبىر تروي ۋنسياسى 4158,63 دوللارعا جەتتى.
ال ا ق ش-تاعى جەلتوقسان ايىنا ارنالعان التىن فيۋچەرستەرىنىڭ باعاسى %1,8 عا قىمباتتاپ، ءبىر ۋنسياسى 4180 دوللاردى قۇرادى.
