قازاقستاندا التىن باعاسى سوڭعى 1,5 جىلداعى ەڭ تومەنگى دەڭگەيگە ءتۇستى
استانا. KAZINFORM – قازاقستاندا التىن ارزانداپ، سوڭعى 18 ايداعى ەڭ تومەنگى باعاعا جەتتى. 17-قاراشادا باعالى مەتالدىڭ ءبىر گرامى 55158,73 تەڭگە بولدى. سوڭعى رەت التىن مۇنداي باعاعا 2025 -جىلدىڭ مامىرىندا تۇسكەن. بۇل تۋرالى Stan.kz اقپارات اگەنتتىگى حابارلايدى.
ۇلتتىق بانكتىڭ مالىمەتىنشە، 2026 -جىلعى 17-قاراشادا التىننىڭ ءبىر گرامى 55158,73 تەڭگەگە باعالانعان. بۇعان دەيىن مۇنداي تومەن كورسەتكىش 2025 -جىلعى 12-مامىردا تىركەلدى. ول كەزدە ءبىر گرام التىن 55 153 تەڭگە بولعان.
التىن باعاسى بيىل 30-قاڭتاردا شارىقتاۋ شەگىنە جەتىپ، ءبىر گرامى 89002,6 تەڭگەگە دەيىن قىمباتتاعان ەدى. سودان بەرى باعالى مەتال 38 پايىزعا نەمەسە شامامەن 33844 تەڭگەگە ارزاندادى.
الەمدىك نارىقتا دا التىن قۇنى تومەندەپ جاتىر. 2026 -جىلعى 29-قاڭتاردا ءبىر تروي ۋنتسيا التىننىڭ باعاسى 5354,8 دوللارعا جەتكەن. ال قازىر Investing.com دەرەگىنە سايكەس، باعالى مەتالدىڭ ءبىر ۋنتسياسى 3878 دوللار شاماسىندا ساۋدالانىپ جاتىر. وسىلايشا، قاڭتارداعى ەڭ جوعارى كورسەتكىشپەن سالىستىرعاندا التىن 27,6 پايىزعا ارزانداعان.
ايتا كەتەيىك، قازاقستاندا التىن قۇيمالارىنىڭ باعاسى سوڭعى شارىقتاۋ شەگىنەن شامامەن 16 پايىزعا تومەندەدى.