قازاقستاندا اۋا رايى كۇرت وزگەرەدى: قار، كوكتايعاق جانە قاتتى جەل كۇتىلەدى

جەتىسۋ وبلىسىندا تۇندە جانە تاڭەرتەڭ تاۋلى ايماقتاردا تۇمان تۇسەدى. وبلىستىڭ سولتۇستىگىندە تۇندە اۋا تەمپەراتۋراسى 2 گرادۋسقا دەيىن تومەندەپ، ۇسىك جۇرەدى. شىعىستا ءورت قاۋپى جوعارى دەڭگەيدە ساقتالادى.

تۇركىستان وبلىسىندا كۇندىز سولتۇستىكتە وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەترگە جەتەدى. تۇندە تاۋلى اۋدانداردا توپىراق بەتىندە 1 گرادۋسقا دەيىن ۇسىك كۇتىلەدى.

اقمولا وبلىسىندا وڭتۇستىك-باتىس جانە باتىس جەلى كۇشەيەدى. تۇندە جانە تاڭەرتەڭ جەلدىڭ ەكپىنى سەكۋندىنا 23-28 مەترگە دەيىن جەتۋى مۇمكىن. كوكشەتاۋدا جەلدىڭ جىلدامدىعى سەكۋندىنا 15-20 مەتر، كۇندىز ەكپىنى 23 مەترگە دەيىن بولادى.

اباي وبلىسىندا جەلدىڭ ەكپىنى كەي جەرلەردە سەكۋندىنا 23-28 مەترگە دەيىن كۇشەيەدى. سەمەيدە دە جەلدىڭ جىلدامدىعى 15-20 مەترگە جەتىپ، كۇندىز ەكپىنى 23 مەترگە دەيىن بارادى.

شىعىس قازاقستان وبلىسىندا تۇندە شىعىستا جاڭبىر جاۋىپ، قارعا ۇلاسادى. كوكتايعاق بولۋى مۇمكىن. كۇندىز شىعىس پەن تاۋلى اۋدانداردا جاۋىن- شاشىن كۇتىلەدى. كەي جەرلەردە جەلدىڭ ەكپىنى سەكۋندىنا 30 مەتردەن دە اسۋى ىقتيمال.

قاراعاندى وبلىسىندا تۇندە جانە تاڭەرتەڭ باتىس، سولتۇستىك جانە شىعىس اۋدانداردا تۇمان تۇسەدى. جەلدىڭ ەكپىنى سەكۋندىنا 15-20 مەترگە ، كۇندىز كەي ۋاقىتتاردا 23-28 مەترگە دەيىن جەتەدى. قاراعاندىدا كۇندىز جەلدىڭ ەكپىنى سەكۋندىنا 15-20 مەتر بولادى.

ۇلىتاۋ وبلىسىندا تۇندە جانە تاڭەرتەڭ تۇمان تۇسەدى. جەلدىڭ ەكپىنى سەكۋندىنا 15-20 مەتر، كۇندىز كەي ۋاقىتتا 23-28 مەترگە دەيىن كۇشەيەدى. وبلىستىڭ ءبىرقاتار اۋماعىندا توتەنشە ءورت ءقاۋپى ساقتالادى.

سولتۇستىك قازاقستان وبلىسىندا جاڭبىر جاۋىپ، كەي جەرلەردە نايزاعاي بولادى. باتىس جەلىنىڭ ەكپىنى سەكۋندىنا 23-28 مەترگە دەيىن جەتەدى. پەتروپاۆلدا دا جاڭبىر مەن نايزاعاي كۇتىلەدى.

استانا قالاسىندا وڭتۇستىك-باتىس جەلى سوعادى. ونىڭ ەكپىنى سەكۋندىنا 15-20 مەترگە، تۇندە جانە تاڭەرتەڭ كەي ۋاقىتتا 23 مەترگە دەيىن جەتەدى.

سونىمەن قاتار پاۆلودار، اقتوبە، قىزىلوردا، اتىراۋ، باتىس قازاقستان، ماڭعىستاۋ، جامبىل جانە الماتى وبلىستارىندا دا قولايسىز اۋا راي ىنا بايلانىستى ەسكەرتۋ جاريالاندى.

سينوپتيكتەردىڭ 8-10-قازانعا ارنالعان بولجامىنا سايكەس، الداعى ءۇش كۇندە قازاقستاننىڭ كەي وڭىرلەرىندە جاڭبىر ارالاس قار، كوكتايعاق جانە ۇسىك كۇتىلەدى. سونىمەن قاتار جەكەلەگەن ايماقتاردا اۋا تەمپەراتۋراسى 27+ گرادۋسقا دەيىن كوتەرىلۋى مۇمكىن.