قازاقستاندا 490 مىڭنان استام ءوتىنىش 1-سىنىپقا ونلاين بەرىلدى
استانا. KAZINFORM - قازاقستاندا جاڭارتىلعان ۇلتتىق ءبىلىم بەرۋ دەرەكتەر قورى ارقىلى 1-سىنىپقا قابىلداۋعا 490 مىڭنان استام ءوتىنىش ونلاين رەجيمدە بەرىلدى، دەپ حابارلايدى ۇكىمەتتىڭ باسپا ءسوز قىزمەتى.
پرەمەر-ءمينيستردىڭ ءبىرىنشى ورىنباسارى نۇرلىبەك نالىبايەۆ ۇلتتىق ءبىلىم بەرۋ دەرەكتەر قورىن جاڭعىرتۋ ماسەلەلەرى بويىنشا كەڭەس وتكىزدى.
جيىندا وقۋ-اعارتۋ ءمينيسترى مەن «قازاقتەلەكوم» ا ق باسقارما ءتوراعاسىنىڭ ۇلتتىق ءبىلىم بەرۋ دەرەكتەر قورىن جاڭعىرتۋ بارىسى جانە ونىڭ نەگىزىندە ۇلتتىق ءبىلىم بەرۋ پلاتفورماسىن دامىتۋ جونىندەگى اتقارىلىپ جاتقان جۇمىستار تۋرالى ەسەپتەرى تىڭدالدى.
سونداي-اق شىمكەنت قالاسى، تۇركىستان، اقتوبە جانە الماتى وبلىستارى اكىمدەرىنىڭ ورىنباسارلارى وڭىرلەردەگى ءبىلىم بەرۋ ۇيىمدارىن سيفرلاندىرۋ بويىنشا اتقارىلىپ جاتقان جۇمىستار تۋرالى باياندادى.
جاڭارتىلعان جۇيە ارقىلى 1-سىنىپقا قابىلداۋعا 490 مىڭنان استام ءوتىنىش ونلاين رەجيمدە بەرىلگەن. سونىمەن قاتار تەحنيكالىق، ورتا بىلىمنەن كەيىنگى جانە كاسىپتىك ءبىلىم بەرۋ ۇيىمدارىنا قابىلداۋ ۇدەرىسى تولىق اۆتوماتتاندىرىلعان. ناتيجەسىندە كوللەدجدەرگە 220 مىڭنان استام تالاپكەر وقۋعا ءتۇستى.
- ۇلتتىق ءبىلىم بەرۋ پلاتفورماسىن ەنگىزۋ حالىققا ءبىلىم بەرۋ سالاسىنداعى مەملەكەتتىك قىزمەتتەردى اۆتوماتتاندىرۋدى قامتاماسىز ەتۋمەن قاتار، بيۋدجەت قاراجاتىن ەداۋىر ۇنەمدەۋگە، ۇنەمدەلگەن قاراجاتتى ءبىلىم بەرۋ سالاسىنداعى باسقا دا قاجەتتىلىكتەرگە باعىتتاۋعا مۇمكىندىك بەرەدى، - دەدى نۇرلىبەك نالىبايەۆ.
ايتا كەتەيىك، ەل مەكتەپتەرىندە 5000 نان استام مۇعالىم جەتىسپەيدى.
