قازاقستان فۋتزال قۇراماسى FIFA رەيتينگىندە قاي ورىندا تۇر

بۇل رەيتينگتە قازاقستان قۇراماسى سەگىزىنشى ورىندا كەلەدى. ال ۋكراينا ءبىر ساتىعا تومەندەپ، توعىزىنشى ورىنعا تابان تىرەدى.

رەيتينگتە كوش باسىندا برازيليا كەلە جاتسا، ودان كەيىنگى ورىنداردا پورتۋگاليا مەن يسپانيا تۇر.

سونداي-اق العاشقى وندىققا ارگەنتينا، يران، ماروككو، رەسەي، فرانسيا ەنگىزىلگەن.

ايتا كەتسەك، فيفا كۇنتىزبەسىنە سايكەس فۋتزالدان 5-15-ءساۋىر ارالىعىندا وقۋ-جاتتىعۋ جيىنىن ۇيىمداستىردى. كاكاۋ باستاعان وتانداستارىمىز وقۋ-جاتتىعۋ جيىنى اياسىندا اقتاۋ قالاسىندا ازەربايجان قۇراماسىمەن 13 جانە 15-ءساۋىر كۇندەرى ەكى جولداستىق ماتچتا شەبەرلىك بايقاستى.

العاشقى ويىندا وتانداستارىمىز 9:2 ەسەبىمەن جەڭسە، ودان كەيىن اتالعان قارسىلاسىن 4:2 ەسەبىمەن تىزە بۇكتىردى.

ايتا كەتسەك، ەل قۇراماسى 2026-جىلعى ەۋروپا چەمپيوناتىندا ءوز توبىندا ەكىنشى ورىندى مىسە تۇتتى.

الدىمەن البانيانى 2:0 ەسەبىمەن جەڭسە، ودان كەيىن ارمەنيامەن 4:4 ەسەبىمەن تەڭ وينادى. ءۇشىنشى كەزدەسۋىندە دانيادان 2:3 ەسەبىمەن جەڭىلىپ قالسا، ءوز الاڭىندا اتالعان قارسىلاسىن 7:3 ەسەبىمەن تىزە بۇكتىرگەن ەدى. بەسىنشى ويىندا البانيادان 4:2 ەسەبىمەن باسىم تۇسسە، ءدال سونداي ەسەپپەن سىرت الاڭدا ارمەنياعا ەسە جىبەردى.

ودان كەيىن پلەي-وفف ساتىسىندا وتانداستارىمىز يتاليا قۇراماسىنا (2:1، 2:3، پەنالتيدەن 0:1) جول بەردى.