قازاقستان مەن قىتاي ج ي سالاسىنداعى عىلىمي ىنتىماقتاستىقتى كۇشەيتەدى

بۇل تۋرالى عىلىم جانە جوعارى ءبىلىم مينيسترلىگى مالىمدەدى.

قاز ۇ ۋ مەن قىتاي كومپيۋتەر فەدەراتسياسى (CCF) بىرلەسىپ ۇيىمداستىرعان جيىنعا قازاقستان مەن شەتەلدىڭ عىلىمي قاۋىمداستىق وكىلدەرى، IT- ماماندار جانە حالىقارالىق ساراپشىلار قاتىستى. باسقوسۋدا جاساندى ينتەللەكت سالاسىنداعى جاڭا ازىرلەمەلەر، بىرلەسكەن زەرتتەۋلەر مەن تەحنولوگيالاردى ءتۇرلى سالالارعا ەنگىزۋ ماسەلەلەرى تالقىلاندى.

سيمپوزيۋمنىڭ اشىلۋىندا قاز ۇ ۋ- دىڭ باسقارما ءتوراعاسى - رەكتور جانسەيىت تۇيمەبايەۆ قازاقستان مەن قىتاي اراسىنداعى عىلىمي-تەحنولوگيالىق ىنتىماقتاستىقتىڭ قارقىن الىپ كەلە جاتقانىن اتاپ ءوتتى.

قاز ۇ ۋ مەن قىتاي كومپيۋتەر فەدەراتسياسى اراسىنداعى ىنتىماقتاستىق جۇيەلى تۇردە دامىپ كەلەدى. وتكەن جىلى دەلەگاتسيامىز حاربين قالاسىنداعى ۇلتتىق كومپيۋتەر كونگرەسىنە قاتىسسا، بيىل ءساۋىر ايىندا ۋنيۆەرسيتەت بازاسىندا قىتاي كومپيۋتەر فەدەراتسياسىنىڭ الماتىداعى وكىلدىگى رەسمي تۇردە اشىلدى. بۇگىنگى سيمپوزيۋم وسى جەمىستى ارىپتەستىكتىڭ زاڭدى جالعاسى، - دەدى جانسەيىت تۇيمەبايەۆ.

ونىڭ ايتۋىنشا، مۇنداي عىلىمي الاڭدار مەملەكەت باسشىسى قاسىم-جومارت توقايەۆتىڭ قازاقستاندى سيفرلىق تەحنولوگيالار مەن جاساندى ينتەللەكت كەڭىنەن قولدانىلاتىن ەلگە اينالدىرۋ جونىندەگى ستراتەگيالىق مىندەتتەرىن جۇزەگە اسىرۋ تۇرعىسىنان ماڭىزدى.

قىتاي كومپيۋتەر فەدەراتسياسى ءتوراعاسىنىڭ ورىنباسارى حاي جين دە ەكى ەلدىڭ عىلىمي-تەحنولوگيالىق الەۋەتىنە توقتالدى. ول جاساندى ينتەللەكتىنى دامىتۋ ءۇشىن بىرلەسكەن زەرتتەۋلەر جۇرگىزىپ، وسى سالادا جاس عالىمداردى دايارلاۋدىڭ ماڭىزى ارتىپ كەلە جاتقانىن ايتتى.

جيىن بارىسىندا ساراپشىلار جاساندى ينتەللەكت سالاسىنداعى سوڭعى عىلىمي ازىرلەمەلەر مەن تاجىريبەلىك جوبالاردى تانىستىردى. ماماندار جاڭا تەحنولوگيالاردىڭ ەكونوميكا مەن قوعامعا ىقپالىن سارالاپ، ۇلكەن تىلدىك مودەلدەردى (LLM)، اگەنتتىك جۇيەلەردى، سونداي-اق جاساندى ينتەللەكتىنى مەديتسينا مەن اۋىل شارۋاشىلىعىندا قولدانۋ مۇمكىندىكتەرىن تالقىلادى.

حالىقارالىق سيمپوزيۋم ساراپشىلاردىڭ قاتىسۋىمەن وتكەن دوڭگەلەك ۇستەل جانە ارنايى سەكسيالىق سەمينارلارمەن جالعاستى.