قازاقستان ەمحانالارىندا الداعى جىلدارى جاڭا قىزمەت ىسكە قوسىلادى
استانا. KAZIFORM - قازاقستاندا العاشقى مەديتسينالىق-سانيتاريالىق كومەك (م س ا ك) جۇيەسىن جەتىلدىرۋ جوسپارلانىپ وتىر. بۇل تۋرالى دەنساۋلىق ساقتاۋ ۆيتسە-ءمينيسترى تيمۋر مۇراتوۆ دەپۋتاتتىق ساۋالعا بەرگەن جاۋابىندا مالىمدەدى.
ونىڭ ايتۋىنشا، ازاماتتارعا قولايلى جاعداي جاساۋ ماقساتىندا مەديتسينالىق قىزمەتتەرگە جازىلۋدىڭ سيفرلىق ارنالارىن دامىتۋ جانە جەتىلدىرۋ جۇمىستارى جالعاسىپ جاتىر.
العاشقى مەديتسينالىق-سانيتاريالىق كومەكتى جەتىلدىرۋ ماقساتىندا مينيسترلىك قازاقستان رەسپۋبليكاسىندا 2026-2028-جىلدارعا ارنالعان م س ا ك جۇيەسىن جەتىلدىرۋ جونىندەگى ءىس-شارالار جوسپارىن بەكىتتى. جوسپار اياسىندا العاشقى مەديتسينالىق-سانيتاريالىق كومەك كورسەتەتىن ۇيىمداردىڭ تىركەۋ بولىمدەرى مەن بايلانىس ورتالىقتارى نەگىزىندە پاتسيەنتتەردى ءبىرىڭعاي باعىتتاۋ قىزمەتىن قۇرۋ كوزدەلگەن. بۇل قىزمەت ازاماتتاردىڭ وتىنىشتەرىن باستاپقى باعالاۋدى، مەديتسينالىق كومەك الۋدىڭ وڭتايلى باعىتىن انىقتاۋدى، قاجەتتى قىزمەتكە جازۋدى جانە پاتسيەنتتەرگە اقپارات بەرۋدى قامتاماسىز ەتەدى، - دەپ جازىلعان جاۋاپتا.
