قازاقستان ازيا ويىندارىندا مەدالدار كەستەسىندە قاي ورىندا تۇر

وتانداستارىمىز بۇگىن، 20 قىركۇيەكتە ەل قۇراماسى قورجىنىنا بارلىعى 6 مەدال سالدى. ونىڭ ىشىندە 4 ەۋى التىن، 2 ەۋى قولا.

قازىرگە دەيىن ەل قۇراماسىنان تاسجولداعى ۆەلوسپورتتان ريناتا سۇلتانوۆا مەن الەكسەي لۋتسەنكو التىن مەدال جەڭىپ السا، كاراتەشى جولامان بيعابىل دا ازيا ويىندارىنىڭ چەمپيونى اتاندى.

جالپى كوماندالىق ەسەپتە 20 مەدال (11 التىن، 6 كۇمىس، 3 قولا) ەنشىلەگەن قىتاي قۇراماسى كوش باسىندا كەلەدى. ودان كەيىنگى ورىندا 19 جۇلدە (6-6-7) العان جاپونيا جايعاسقان.

العاشقى وندىقتا وڭتۇستىك كورەيا، تايلاند، ميانما، ماكاو، كۋۆەيت، يندونەزيا، گونكونگ قۇرامالارى بار. سونداي-اق حالىقارالىق وليمپيادا كوميتەتىنە مۇشە ەلدەر قالعان مەدالدى ەنشىلەگەن.

ەسكە سالايىق، جازعى ازيا ويىندارى 2026-جىلدىڭ 19-قىركۇيەك پەن 4-قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا وتەدى، ويىنداردىڭ ۇرانى - Imagine One Asia («ءبىرتۇتاس ازيانى ەلەستەت»).

قازاقستان ازيا ويىندارىنا 1994-جىلدان باستاپ قاتىسىپ كەلەدى. 1994-2022-جىل ارالىعىندا ەل سپورتشىلارى 8 جازعى ازيادادا ونەر كورسەتىپ، بارلىعى 637 مەدال (165 التىن، 180 كۇمىس جانە 292 قولا يەلەندى.

ناگوياداعى بايراقتى باسەكەدە قازاقستان ۇلتتىق قۇراماسىنىڭ ساپىنان 558 سپورتشى باق سىنايدى.