قازاقستان ازيا پارا ويىندارىندا العاش رەت پارا ساداق اتۋدان كۇمىس مەدال ەنشىلەدى
استانا. KAZINFORM - ەرلەر اراسىنداعى W1 كلاسى بويىنشا جۇپتىق سىندا قازاقستاندىق سپورتشىلار تەمىرلان سەيىتقامال مەن نۇرشات تولەۋقاسىم فينالدا قىتاي قۇراماسىمەن كەزدەستى.
دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى باسپا ءسوز قىزمەتىنىڭ مالىمەتىنشە، شەشۋشى باسەكەدە قارسىلاس كوماندا 6:0 ەسەبىمەن جەڭىسكە جەتىپ، قازاقستان سپورتشىلارى كۇمىس جۇلدەگەر اتاندى.
فينالدىق كەزدەسۋدىڭ ءۇش سەتى 37:31، 35:32 جانە 37:35 ەسەبىمەن قىتاي قۇراماسىنىڭ پايداسىنا اياقتالدى.
بۇعان دەيىن وتاندىق پارا ۆەلوشاباندوزدار ازيا ويىندارىندا ەكى التىن جەڭىپ العانىن جازعانبىز.
