قازاقستان ايەلدەر قۇراماسى سەمسەرلەسۋدەن ازيادانىڭ قولا جۇلدەسىن جەڭىپ الدى
استانا. KAZINFORM - سەمسەرلەسۋدەن قازاقستان ايەلدەر قۇراماسى ايچي جانە ناگويادا (جاپونيا) ءوتىپ جاتقان 2026-جىلعى ازيا ويىندارىندا قولا جۇلدەگە يە بولدى.
كوماندالىق شپاگا باسەكەسىنىڭ جارتىلاي فينالىندا قازاقستاندىق سپورتشىلار قىتاي قۇراماسىمەن كەزدەستى. كەزدەسۋدە قارسىلاس كوماندا 45:21 ەسەبىمەن جەڭىسكە جەتتى.
وسىلايشا، قازاقستان قۇراماسى كوماندالىق سايىستى قولا مەدالمەن قورىتىندىلادى.
قازاقستان ساپىندا يرينا باكالدينا، ۆلاديسلاۆا اندرەيەۆا، داريا سامودەلكينا جانە سوفيا نيكولايچۋك ونەر كورسەتتى.
ەسكە سالايىق، بۇعان دەيىن مەرگەن يسلام ساتپايەۆ ازيا ويىندارىنىڭ قولا جۇلدەگەرى اتانعانىن حابارلاعان ەدىك.
