قازاقستان پارا ازيا ويىندارىندا جەتىنشى ورىندا كەلەدى

20-قازان كۇنى ساعات 10:30 داعى مالىمەت بويىنشا، قازاقستاندىق سپورتشىلار 3 التىن، 5 كۇمىس جانە 8 قولا مەدال جەڭىپ العان. ەل قۇراماسىنىڭ قورجىنىندا بارلىعى 16 جۇلدە بار.

مەدالدار كەستەسىندە قىتاي قۇراماسى كوش باستاپ تۇر. قىتاي سپورتشىلارى 36 التىن مەدالدى قوسا العاندا، جالپى 85 جۇلدە يەلەنگەن. ەكىنشى ورىندا جارىس قوجايىندارى جاپونيا تۇر. ۇزدىك ۇشتىكتى وزبەكستان قۇراماسى تۇيىندەيدى.

قازاقستان قۇراماسى مەدالدار سانى بويىنشا يران، وڭتۇستىك كورەيا جانە ءۇندىستان سپورتشىلارىنان كەيىن ورنالاسقان.

ايتا كەتەيىك، پارا ازيا ويىندارى 18-24-قازان ارالىعىندا وتەدى. جارىس باعدارلاماسىنا سپورتتىڭ 18 ءتۇرى ەنگىزىلگەن.