قازاق كونسەرت ارتىستەرى تۇركياداعى حالىقارالىق بي بايقاۋىنا قاتىسىپ جاتىر
استانا. KAZINFORM -روزا باعلانوۆا اتىنداعى «قازاق كونسەرت» مەملەكەتتىك اكادەميالىق كونسەرتتىك ۇيىمىنىڭ «بىرلىك» انسامبلى تۇركيادا ءوتىپ جاتقان «التىنقاراگوز اتىنداعى 36-دۇنيەجۇزىلىك حالىق بي بايقاۋىنا» قاتىسىپ جاتىر.
مادەنيەت جانە اقپارات مينيسترلىگىنىڭ باسپا ءسوز قىزمەتىنىڭ مالىمەتىنشە، تۇركسوي مەن تۇركيانىڭ بۋرسا قالاسىنىڭ اكىمدىگى بىرلەسە ۇيىمداستىرعان بايقاۋعا تۇركى تىلدەس ەلدەردىڭ ۇزدىك ۇلتتىق جانە بي ۇجىمدارى قاتىسادى.
«بىرلىك» ءانسامبلى بايقاۋدا «قامشىگەر»، «جىگەر»، «كۇي شاشۋ» اتتى حورەوگرافيالىق كومپوزيتسيالاردى ۇسىنباق. سونداي-اق، انسامبلدىڭ كوركەمدىك جەتەكشىسى انەل مارابايەۆا «شارا» اتتى جەكە كومپوزيتسياسىن ورىندايدى.
«بىرلىك» ءان-بي انسامبلى – كوپ ۇلتتى ەلىمىزدىڭ مادەني بايلىعىن پاش ەتەتىن بىرلىك پەن ۇيلەسىمنىڭ نىشانىنا اينالعان ۇجىم. انسامبلدىڭ ونەردەگى ماقساتى - ءوزارا قۇرمەت، بىرلىك پەن تاتۋلىق سىندى قۇندىلىقتاردى ناسيحاتتاي وتىرىپ، قازىرگى قوعامداعى اتالعان قۇندىلىقتاردىڭ ماڭىزىن مادەنيەت پەن ونەر ارقىلى كوپشىلىككە جەتكىزۋ.
