قازاقشا سويلەمەگەنى ءۇشىن ۆيزا المادى: ا ق ش كونسۋلدىعى پىكىر ءبىلدىردى
ا ق ش ەلشىلىگىنە ۆيزا الۋعا بارىپ، ورىسشا سويلەگەن قازاققا ۆيزا بەرىلمەگەنى تۋرالى اقپارات تارادى. امەريكاعا ۆيزا الۋ ءۇشىن قاي تىلدە سويلەۋ كەرەك؟ ورىسشا سويلەگەن قازاقتارعا شىنىمەن ۆيزا بەرىلمەۋى مۇمكىن بە؟ اعىلشىن ءتىلىن مەڭگەرمەگەندەر قاي تىلدە سويلەۋى كەرەك؟ جالپى ۆيزا الۋ ءۇشىن نە ىستەۋ كەرەك؟

Massaget.kz ءتىلشىسى انىقتاپ كوردى.
جەلىدە ا ق ش- قا بارۋ ءۇشىن ۆيزا العىسى كەلگەن قازاقتىڭ ورىسشا سويلەگەنى، قازاق ءتىلىن بىلمەگەنى ءۇشىن وعان امەريكالىق كونسۋلدىڭ ۆيزا بەرۋدەن باس تارتقانى تۋرالى ۆيدەو تارادى.
«قازاقشا سويلەمەگەنى ءۇشىن ا ق ش- قا ۆيزا الا الماي قالدى. ا ق ش ەلشىلىگىنە ۆيزا الۋعا بارىپ، ورىسشا سويلەگەن قازاققا امەريكالىق كونسۋل «نەگە قازاقشا سويلەمەيسىڭ؟» دەپ ۆيزا بەرۋدەن باس تارتقان»، - دەپ جازىلعان.
ا ق ش باس كونسۋلدىعىنىڭ باسپا ءسوز قىزمەتى وكىلدەرى بۇل اقپاراتقا قاتىستى پىكىر ءبىلدىردى.
«سۇحباتتىڭ قاي تىلدە وتكەنى كونسۋلدىق قىزمەتكەردىڭ شەشىمىنە اسەر ەتپەيدى. ۆيزا الۋشى سۇحباتتى اعىلشىن، قازاق، ورىس تىلدەرىندە وتكىزە الادى. كونسۋلدىق قىزمەتكەرلەرى ءاربىر ۆيزالىق ءوتىنىشتى جەكە تالاپتارىنا ساي قاراستىرادى. بىلتىر بەرىلگەن ۆيزا سانى بولسا بۇعان دەيىنگى كورسەتكىشتەن اسىپ ءتۇستى»، - دەپ جاۋاپ بەردى ا ق ش- تىڭ باس كونسۋلدىعىنىڭ باسپا ءسوز قىزمەتى وكىلدەرى.
ەسكە سالايىق، بۇعان دەيىن ا ق ش- قا ۆيزا الۋ ءۇشىن نە ىستەۋ كەرەگى ايتىلعان ماقالا جاريالانعان ەدى.
ءسىزدىڭ ۆيزا الۋىڭىزعا كومەكتەسەتىن ەكى مەكەمە بار: ەلشىلىك - embassy / كونسۋلدىق - Consulate. ارنايى مەكەمەلەرگە زاڭدى قۇجاتتارىڭىزدى ۇسىنۋىڭىز كەرەك. سونىڭ ىشىندە ماڭىزدىسى - سىزگە شەتەلگە شىعۋعا مۇمكىندىك بەرەتىن پاسپورتىڭىز. سونىمەن قاتار، وزىڭىزدىك قارجىلىق جاعدايىڭىزدى راستاۋعا تۋرا كەلەدى. كەرەكتى اقپاراتتى تىركەۋ ارقىلى ارنايى ساۋالنامانى تولتىراسىز - Application form.
كەلەسى كەزەڭ - ynterview. كونسۋلمەن تىلدەسۋ بارىسىندا ءوزىڭىزدى ەركىن ۇستاڭىز. سۇراقتارعا ناقتى جاۋاپ بەرىڭىز. ويىڭىزدى اشىق جەتكىزىڭىز جانە ماقساتىڭىز ايقىن كورسەتىڭىز. ويتكەنى تىلدەسۋ - ۆيزا الۋدىڭ سوڭعى كەزەڭى.