قازاقپارات فوتوگرافى قىتايداعى «جىلقى فوتوسۋرەتى» بايقاۋىندا ۇزدىكتەر قاتارىنان كورىندى
استانا. KAZINFORM - قازاقپارات فوتوگرافى ماقسات شاعىربايدىڭ ەكى سۋرەتى قىتايدا وتكەن «جىلقى فوتوسۋرەتى» بايقاۋىندا ۇزدىك اتاندى.
جاقىندا قىتايدىڭ سيلينحوت قالاسىندا «فەنيكس كۋبوگى» اتتى 4- حالىقارالىق جىلقى فوتوسۋرەتتەرى بايقاۋى ءوتتى.
بۇل فوتوسۋرەت بايقاۋىن قىتاي جىلقى قاۋىمداستىعىنىڭ فوتوگرافتار فيليالى مەن سيلينحوت جىلقى ونەركاسىبىن دامىتۋ ورتالىعى بىرلەسىپ ۇيىمداستىرادى.
بايقاۋدىڭ ماقساتى - جىلقى سالاسىنىڭ وركەندەۋىنە ىقپال ەتۋ جانە جىلقى تاقىرىبىنا ارنالعان فوتوسۋرەتتەردى ناسيحاتتاۋ.
بايقاۋ 2017 -جىلدان بەرى وتكىزىلىپ كەلەدى جانە وسى ۋاقىتقا دەيىن ءتورتىنشى رەت وتكىزىلىپ وتىر.
بۇل بايقاۋعا قازاقپارات فوتوگرافى ماقسات شاعىربايدىڭ ەكى سۋرەتى قاتىستى.
ەكى فوتوسۋرەت تە جۇلدەلى ورىندارعا يە بولدى.
فوتوسۋرەتتەردىڭ ءبىرى «دەرەكتى فوتوسۋرەت ساناتىندا» ۇزدىك جۇلدەسىن جەڭىپ السا، ەكىنشىسى «كوركەم فوتوسۋرەت ساناتىندا» ىرىكتەۋ جۇلدەسىن جەڭىپ الدى.
اۆتور
ەربول جانات
