قازاق-وزبەك شەكاراسىنداعى «جىبەك جولى» وتكىزۋ بەكەتى جابىلادى

تاشكەنت. قازاقپارات - 2023-جىلى جوندەۋگە جابىلعان قازاق-وزبەك شەكاراسىنداعى «قاپلانبەك-ناۋاي» باقىلاۋ-وتكىزۋ بەكەتى بۇگىن جۇمىسىن قايتا باستادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

"Жібек жолы" өткізу бекеті, кедендік бақылау аймағы
Фото: Әлихан Асқар/Kazinform

- قازاقستان مەن وزبەكستان كەدەن قىزمەتتەرىنىڭ كەلىسىمى بويىنشا «قاپلانبەك» وتكىزۋ پۋنكتى جاياۋ جۇرگىنشىلەر، جەڭىل اۆتوكولىك جانە اۆتوبۋستاردى وتكىزۋ ءۇشىن اشىلادى. بۇل شەشىم وزبەكستان تاراپىنداعى «گيشت- كۋپريك» وتكىزۋ پۋنكتىنىڭ (قازاقستان تاراپىندا «جىبەك جولى») 1-اقپاننان باستاپ 2 ايعا جابىلۋىنا بايلانىستى قابىلداندى، - دەپ ءمالىم ەتتى قازاقستاننىڭ وزبەكستانداعى ەلشىلىگىنەن.

تيىسىنشە، قوس ەلدىڭ كەدەن قىزمەتتەرى ازاماتتارعا ساپارىن الدىن الا جوسپارلاۋدى ۇسىندى.

ايتا كەتەيىك، قازىرگى تاڭدا ەكى ەل اراسىنداعى شەكارالاردا كولىكتەرگە ارنالعان كەلەسى باقىلاۋ-وتكىزۋ بەكەتتەرى جۇمىس ىستەپ تۇر: «قونىسبايەۆ» - «ياللاما»، «قازىعۇرت» - «نادجيموۆ»، «اتامەكەن» - «گۇلىستان».

ەسكە سالايىق، قازاقستان مەن وزبەكستان جۇك تاسىمالى ماسەلەسىن شەشۋمەن اينالىساتىن جەدەل شتاب قۇرماق.

سونىمەن قاتار، تاياۋدا قازاق-وزبەك شەكاراسىندا كەدەن تەرمينالى اشىلادى. 6 گەكتاردى اۋماقتى قامتىپ جاتقان نىسان زاماناۋي تەكسەرۋ، راسىمدەۋ قۇرىلعىلارىمەن جابدىقتالعان.

سوڭعى جاڭالىقتار