قازاق-وزبەك شەكاراسىندا مۇناي ونىمدەرىن زاڭسىز وتكىزۋگە ارنالعان تۋننەل انىقتالدى
استانا. KAZINFORM - تۇركىستان وبلىسى پروكۋراتۋراسىنىڭ باستاماسى جانە ۇيلەستىرۋىمەن وڭىردەگى ەكونوميكالىق تەرگەۋ جانە ۇ ق ك دەپارتامەنتتەرى، وزبەكستان رەسپۋبليكاسىنىڭ قۇقىق قورعاۋ ورگاندارىنىڭ ىنتىماقتاستىعى ارقىلى قىلمىستىق توپتىڭ قىزمەتى توقتاتىلىپ، مۇناي ونىمدەرىن كونتراباندالاۋعا ارنالعان تۋننەل جويىلدى.
اتاپ ايتقاندا، ادامدار توبى قازاق-وزبەك شەكاراسىندا ۇزىندىعى 450 مەترلىك تۋننەل سالعان.
- وسى تۋننەل ارقىلى كۇن سايىن كولەمى 5-7 توننا جانار-جاعارماي ماتەريالدارىن كونتراباندالىق جولمەن شىعارىپ، زاڭسىز ارەكەتتەرى شامامەن ەكى ايعا سوزىلعان.
ارنايى شارالارمەن قىلمىستىق توپتىڭ بارلىق مۇشەلەرى، ونىڭ ىشىندە وزبەكستان ازاماتتارى دا بەلگىلى بولدى، - دەپ جازى باقىلاۋشى ورگاننان.
ماعىنالاس ءىس-شارالاردى وزبەكستاننىڭ قۇقىق قورعاۋ ورگاندارى مەملەكەتتىك شەكارانىڭ ماڭىنداعى ايماقتا وتكىزدى.
سونىمەن قاتار، كورشى مەملەكەتتەن ەكسپورتتالعان جانارمايدىڭ اقشا اۋدارۋ سحەماسى انىقتالدى.
ترانسۇلتتىق قىلمىستىق توپتىڭ مۇشەلەرى قازاقستان اۋماعىندا دا، وزبەكستان اۋماعىندا دا ۇستالدى.
قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلۋدە.
