قازاق تىلىندە تەلەراديو حابارلاردى تاراتۋ 70 پايىزعا ارتادى

Телеарна
Фото: Фото: ҚазАқпарат

2025-جىلدان باستاپ جىل سايىن مەملەكەتتىك تىلدەگى كونتەنتتەردىڭ ۇلەسىن 5 پايىزعا ارتتىرۋ كەزەڭ-كەزەڭمەن جۇزەگە اسىرىلادى.

بۇل تۋرالى مادەنيەت جانە اقپارات ءمينيسترى ايدا بالايەۆا ءمالىم ەتەدى، دەپ حابارلايدى قازاقپارات ءتىلشىسى.

«ماسس-مەديا» تۋرالى زاڭ جوباسى اياسىندا تەلەراديوارنالاردى مەملەكەتتىك تىلدە تاراتۋ كولەمىن 50 پايىزدان 70 پايىزعا ارتتىرۋ ۇسىنىلدى. 1999-جىلى قولدانىسقا ەنگىزىلگەن «ب ا ق تۋرالى» زاڭعا سايكەس 50 دە 50 ەدى. 25 جىلعا جۋىق ۋاقىتتان كەيىن ەلدەگى ترەندتەر مەملەكەتتىك ءتىل مەن وتاندىق كونتەنتتى دامىتۋ باعىتىندا وزگەردى. بۇگىنگى تاڭدا ب ا ق- تا مەملەكەتتىك تىلدە شىعارىلاتىن كونتەنتتىڭ ۇلەسى 80 پايىز استى، - دەدى ايدا بالايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ ايتۋىنشا، قازاقستان حالقىنىڭ 80 پايىزدان استامى مەملەكەتتىك ءتىلدى مەڭگەرگەن.

«اتالعان فاكتورلاردى ەسكەرە وتىرىپ، قازاق تىلىندەگى تەلەراديو حابارلارىن 70 پايىزعا دەيىن ارتتىرۋ تۋرالى شەشىم قابىلداندى. ال 2025-جىلدان باستاپ جىل سايىن مەملەكەتتىك تىلدەگى كونتەنتتەردىڭ ۇلەسىن 5 پايىزعا ارتتىرۋ كەزەڭ-كەزەڭمەن جۇزەگە اسىرىلادى. قازىر «ماسس-مەديا» تۋرالى زاڭ جوباسىن ءماجىلىستىڭ جۇمىس توبى، شەتەل ساراپشىلاردى، قازاقستاننىڭ مەديا قوعامداستىعى جانە ازاماتتىق قوعام وكىلدەرى تالقىلاپ جاتىر»، - دەيدى ول.

سوڭعى جاڭالىقتار