قازاق تەلەكومعا قارسى تەرگەۋ باستالدى

استانا. KAZINFORM - باسەكەلەستىكتى قورعاۋ جانە دامىتۋ اگەنتتىگى قازاقتەلەكومعا قارسى تەرگەۋ باستالعانىن مالىمدەدى.

قازىر ينتەرنەت نارىعىندا «قازاق تەلەكوم» ا ق جانە «كار-تەل» ج ش س (Beeline) ۇلەسى باسىم بولىپ وتىر.

«بايلانىس وپەراتورلارىنىڭ ينتەرنەت بويىنشا باعاسى زەرتتەلدى. تالداۋ ناتيجەلەرى بويىنشا «قازاق تەلەكوم» ا ق- دان مونوپوليالىق جوعارى باعا بەلگىلەۋ بەلگىلەرى انىقتالدى. وسىعان بايلانىستى اگەنتتىك باسەكەلەستىكتى قورعاۋ سالاسىنداعى زاڭناما بۇزىلۋى بويىنشا تەرگەپ-تەكسەرۋدى باستادى»، - دەپ جازىلعان حابارلامادا.

سونداي-اق، اگەنتتىك ۋاكىلەتتى مەملەكەتتىك ورگاندارعا باسقا بايلانىس وپەراتورلارىنىڭ تۇرعىن ۇيلەرگە قوسىلۋىنا كەدەرگىلەردى جويۋ بويىنشا ۇسىنىس جىبەردى.

«تالداۋ بارىسىندا اگەنتتىك باسقا بايلانىس وپەراتورلارىنىڭ كوپپاتەرلى تۇرعىن ۇيلەرگە كىرۋىن، سونداي-اق، كابەلدىك كارىز جەلىلەرىنە قوسىلۋدىڭ تەحنيكالىق شارتتارى تۋرالى اقپارات الۋدى قيىنداتاتىن كەدەرگىلەردى انىقتادى»، - دەپ جازىلعان حابارلامادا.

ەسكە سالايىق، بۇعان دەيىن دە قازاقستاندا بايلانىس وپەراتورلارى ءسوز بايلاستى دەگەن كۇدىككە ءىلىنىپ، تەرگەۋ باستالعانى حابارلاندى.