قازاق تاەكۆوندوشىلارى قىتايداعى ليتسەنزيالىق تۋرنيرگە ەرەكشە ۇلگىدەگى شاپانمەن اتتاندى

Фото: kaztkd.kz
Фото: kaztkd.kz

استانا. KAZINFORM - قىتايدىڭ تايان قالاسىندا 15-16- ناۋرىز ارالىعىندا تاەكۆوندودان ازيا ىرىكتەۋ تۋرنيرى وتەدى. وعان قاتىساتىن قازاقستان قۇراماسى ۇلتتىق ستيلدەگى شاپانمەن جول تارتتى.

تاەكۆوندودان وليمپيادا باعدارلاماسىنا سەگىز سالماق دارەجەسى ەنگەن. الايدا ءار كوماندا تەك ءتورت سالماقتا عانا سپورتشىلار قوسا الادى.

قازاقستان قۇراماسى ساپىندا ماريا سيەۆوستيانوۆا (57 كيلو)، جانسەل دەنيز (67+ كيلو)، ساميرحون اباباكيروۆ (58 كيلو) پەن باتىرحان تولەۋعالي (80 كيلو) باق سىنايدى.

ءبىر قىزىعى، وتاندىق تاەكۆوندوشىلار ىرىكتەۋ تۋرنيرى قارساڭىندا ۇلتتىق ستيلدەگى ەرەكشە شاپان مەن حۋديدى تاڭداعان، - دەپ جازادى bassport.kz.

بۇرىن-سوڭدى ۇلتتىق قۇرامادا مۇنداي جاڭاشىلدىق بولماعان. قازاقستان تاەكۆوندو فەدەراتسياسىنىڭ باس حاتشىسى ولجاس بەسبايەۆتىڭ ايتۋىنشا، مۇنداي قادامعا بارۋ ارقىلى سپورتشىلاردىڭ نامىسىن قايراۋ دا كوزدەلگەن. ەگەر ۇيىمداستىرۋشىلار رۇقسات بەرسە، شاپاندى دايانگكە كيىپ شىعۋدى دا جوسپارلاۋدا ەكەن.

ايتا كەتسەك، ازىرگە قازاقستان قۇراماسىنىڭ قورجىنىندا سپورتتىڭ 8 ءتۇرى بويىنشا 19 جولداما بار. سپورتشىلارىمىز ساداق اتۋدان – 4، تاس جولداعى ۆەلوسپورتتان – 3، نىسانا كوزدەۋدەن – 5، قازىرگى بەسسايىستان – 2، بوكستان – 2، گرەك-ريم كۇرەسىنەن – 1، ەركىن كۇرەستەن – 1، سپورتتىق گيمناستيكادان 1 جولداما جەڭىپ العان.

سوڭعى جاڭالىقتار