قازاق سۋموشىسى ەرسىن بالتاعۇل جاپونيا تاريحىن وزگەرتىپ، باسەدا كوش باستادى

  . SMARTNEWS. KZ باسىلىمىنىڭ حابارلاۋىنشا، قازاق بالۋانى ەرسىن بالتاعۇل جاپونياداعى يمپەراتور كۋبوگىندە العاش رەت كوشباسشى اتاندى.

 Жапония
Фото: 24.kz/kz

 توكيوداعى «كوكۋگيكان» سۋمو سارايىندا جاپونيا ەلىنىڭ ەليتالىق ديۆيزيونىندا وتەتىن ەڭ بەدەلدى ۇلتتىق كۇرەس تۋرنيرلەرىنىڭ ءبىرى اياقتالۋعا جاقىن. ءدال وسى باسەكەدە ەشكىم كۇتپەگەن ناتيجە تىركەلىپ وتىر. قازاقستاننان شىققان ەرسىن بالتاعۇل قاڭتار ايىنداعى باسەنىڭ باستى كەيىپكەرى بولدى. بالۋان كۇنشىعىس ەلىندە كيمبودزان حيرۋكي لاقاپ اتىمەن تانىمال. قازىر 9 اينالىم قورىتىندىسى بويىنشا بالتاعۇل تۋرنيرلىك كەستەنىڭ كوش باسىندا.

كيمبودزان حيرۋكي - قاڭتار ايىنداعى باسەدا بىردە- ءبىر رەت جەڭىلمەگەن جالعىز بالۋان. ەرسىننەن كەيىن رەيتينگتە موڭعول سۋموشىسى تيەسەما، ءۇشىنشى جانە ءتورتىنشى ورىنعا جاپونيالىق وحو مەن تاكەرۋفۋدزي ورنالاسقان. يمپەراتور ءتۋرنيرى 26 - قاڭتاردا اياقتالادى. جارىس سوڭىنا دەيىن بالۋاندار تاعى 5 جەكپە-جەك وتكىزەدى. كيمبودزان حيرۋكي - ەليتالىق ديۆيزيونعا قوسىلعان العاشقى قازاقستاندىق سۋموشى. ەرسىن الماتى وبلىسىندا دۇنيەگە كەلگەن. سۋموعا دەيىن ول دزيۋدو سپورتىمەن اينالىسقان. ايتا كەتەيىك، سۋموعا شەكتەۋلى شەتەلدىك بالۋاندار قاتىسادى. گرۋزين باتىرى تەيمۋراز دجۋگەلي (گاگامارۋ ماسارۋ) زەينەتكە شىققان سوڭ، سول ورىنعا قازاق بالۋانى قابىلداندى.

سوڭعى جاڭالىقتار