قازاق ەرتەگىلەرى تاتار تىلىندە جارىق كوردى

кітап
فوتو: س ءى م

قازان. KAZINFORM - قازاقستاننىڭ قازان قالاسىنداعى باس كونسۋلدىعى تاتار تىلىندە «قازاق حالىق ەرتەگىلەرى» جيناعىن تانىستىردى.

تۇساۋكەسەردە قازاقستاننىڭ قازان قالاسىنداعى باس كونسۋلى ەرلان ىسقاقوۆ، تاتارستان رەسپۋبليكاسى مادەنيەت ءمينيسترىنىڭ ورىنباسارى دامير ناتفۋللين، اۋدارماشى، قازان فەدەرالدى ۋنيۆەرسيتەتىنىڭ فيلولوگيا جانە مادەنيەتارالىق كوممۋنيكاتسيا ينستيتۋتىنىڭ دوتسەنتى گۇلفيا گاينۋللينا، قازان قالاسىنىڭ ءتۋريزمدى دامىتۋ كوميتەتىنىڭ ديرەكتورى داريا ساننيكوۆا ءسوز سويلەدى.

قاتىسۋشىلار جيناققا قازاق حالقىنىڭ باي مادەنيەتىن، سالت-داستۇرلەرىن باياندايتىن حالىق ەرتەگىلەرى ەنگەنىن اتاپ ءوتتى.

حالىق جانە ادەبي ەرتەگى شىعارماشىلىعى مەكتەپكە دەيىنگى جانە باستاۋىش مەكتەپ جاسىنداعى بالالاردىڭ ادامگەرشىلىك جانە ەستەتيكالىق تاربيەگە، جالپى وي-ءورىسى مەن تانىمدىق قىزىعۋشىلىعىن كەڭەيتۋگە ىقپال ەتەدى.

татар
فوتو: س ءى م

قازاق حالىق ەرتەگىلەرى - زاماناۋي مادەنيەتتىڭ ىرگەتاسى، ادامگەرشىلىك كۇش پەن رۋحانياتتىڭ قاينار كوزى.

تۇساۋكەسەر سوڭىندا 30 دانا كىتاپ حالىقارالىق باعدارلاما بويىنشا وقىتاتىن «بالا سيتي» كوپ ءتىلدى بالاباقشاسىنا بەرىلدى.

سونىمەن قاتار، قازاقتىڭ مۋزىكالىق شىعارمالارى كورسەتىلىپ، ۇلتتىق تاعامدار دايىنداۋ بويىنشا ماستەر-كلاسس ءوتتى.

ءىس-شاراعا قازاندا اككرەديتتەلگەن شەتەلدىك باس جانە قۇرمەتتى كونسۋلدىقتاردىڭ باسشىلارى، مەملەكەت جانە قوعام قايراتكەرلەرى، سونداي-اق ىسكەر توپتاردىڭ، ب ا ق جانە قازاق دياسپوراسىنىڭ وكىلدەرى قاتىستى.

ертегі
فوتو: س ءى م

جيناقتىڭ تارالىمى - 200 دانا. جاقىن ارادا كىتاپتار تاتارستاننىڭ مۇراجاي، مۇراعات جانە كورمە قورلارىنا تۇسەدى.

سوڭعى جاڭالىقتار