قازاق قىزى پورتۋگالياداعى تۋرنيردىڭ فينالىنا شىقتى
استانا. KAZINFORM - قازاقستاندىق تەننيسشى جىبەك قۇلامبايەۆا جۇپتىق سىندا لوزادا (پورتۋگاليا) ITF W35 تۋرنيرىنىڭ فينالىنا ءوتتى.
قازاقستاندىق تەننيسشى بەلارۋستىك يۋليا حاتۋكامەن بىرگە جارتىلاي فينالدا يسپانيالىق اندرەا لازارو گارسيا - فرانسيالىق ياسمين مانسۋريمەن شەبەرلىك بايقاستى.
ءبىرىنشى پارتيادا قازاقستاندىق- بەلارۋستىق جۇپ 7:5 ەسەبىمەن باسىم ءتۇستى. ولار ەكىنشى سەتتە قوس برەيككە قول جەتكىزىپ، ماتچتى جەڭىسپەن ءتامامدادى - 6:2.
ءبىر ساعات 17 مينۋتقا سوزىلعان باسەكە بارىسىندا قۇلامبايەۆا - حاتۋكا 5 برەيكپەن كوزگە ءتۇستى. يسپانيالىق-فرانسيالىق دۋەت 2 برەيكتەن اسا المادى.
جىبەك قۇلامبايەۆا - يۋليا حاتۋكانىڭ فينالداعى قارسىلاستارى كەيىن انىقتالادى.
ەسكە سالا كەتەيىك، بۇدان بۇرىن جىبەك قۇلامبايەۆانىڭ پورتۋگالياداعى جارىستىڭ جارتىلاي فينالىنا وتكەنىن جازعان بولاتىنبىز.
